نیشنل ویمنز ٹی ٹوئنٹی ٹورنامنٹ کا کل 7 مئی سے کراچی میں آغاز ۔ پانچ ٹیمیں حصہ لیں گی۔

:محمد ندیم قیصر (ملتان)

:تفصیلات

نیشنل ویمنز ٹی ٹوئنٹی ٹورنامنٹ 7 مئی سے کراچی میں شروع ہوگا۔ ٹورنامنٹ میں پانچ ٹیمیں حصہ لیں گی اور یہ میچز نیشنل بینک اسٹیڈیم اور ہائی پرفارمنس سینٹیر اوول گراؤنڈ میں کھیلے جائیں گے۔ ٹورنامنٹ میں شریک پانچ ٹیمیں چیلنجرز، کانکررز ، انونسیبلز ، اسٹارز اور اسٹرائیکرز ہیں۔ ڈبل لیگ فارمیٹ میں ہر ٹیم آٹھ میچز کھیلے گی اور مجموعی طور پر 22 میچز کھیلے جائیں گے۔پوائنٹس ٹیبل پر دوسرے اور تیسرے نمبر پر آنے والی ٹیمیں 22 مئی کو کوالیفائر میں آمنے سامنے ہوں گی جس میں سے فاتح ٹیم 24 مئی کو فائنل میں ٹاپ رینک ٹیم سے مقابلہ کرے گا۔ فائنل نیشنل بینک سٹیڈیم میں کھیلا جائے گا۔

پانچ ٹیموں کیلئے 80 کرکٹرز کا انتخاب.چیمپئن ٹیم کیلئے 15 لاکھ کیش ایوارڈ۔ رنر اپ ٹیم 10 لاکھ روپے کی حقدار۔

ٹورنامنٹ میں مجموعی طور پر 80 کرکٹرز حصہ لیں گی۔ ٹورنامنٹ کی مجموعی انعامی رقم 30 لاکھ روپے سے زیادہ ہے۔ فاتح ٹیم کو 15 لاکھ روپے ملیں گے رنرز اپ کو 10 لاکھ روپے ملیں گے۔ کراچی میں کل 7 مئی کو اختتام پذیر ہوئے والے چار روزہ پری ٹورنامنٹ کیمپ کی کارکردگی کی بنیاد پر پانچوں ٹیموں میں سے ہر ایک کے 19 رکنی اسکواڈز کی تعداد 16 کر دی جائے گی۔ پانچ قومی کھلاڑی جو حال ہی میں ختم ہونے والے آئی سی سی ویمنز کرکٹ ورلڈ کپ کوالیفائر 2025ء میں پاکستان کے فاتح سکواڈ کا حصہ تھیں، اپنی اپنی ٹیموں کی قیادت کریں گی جن میں فاطمہ ثنا ( کانکررز )گل فیروزہ ( سٹرائیکرز) منیبہ علی ( انونسیلبز ) سدرہ امین ( سٹارز ) اور رامین شمیم ( چیلنجرز ) شامل ہیں۔خواتین کی کرکٹ کو فروغ دینے کے لیے پی سی بی کی مسلسل کوششوں کے حصے کے طور پر کوالیفائر (22 مئی) اور فائنل (24 مئی) پی سی بی کے آفیشل یوٹیوب چینل پر لائیو نشر کیے جائیں گے۔ ٹورنامنٹ کے تمام میچ سہ3 بجے شروع ہوں گے.۔پی سی بی کے مطابق اس ایونٹ سے سامنے آنیوالے ٹیلنٹ کی تربیت پر بھی خصوصی توجہ دی جائے گی۔