Admin
:محمد ندیم قیصر (ملتان)
:تفصیلات
آئی سی سی چیمپئن ز ٹرافی 2025ء کی ویورشپ کا نیا ریکارڈ قائم ہو گیا پاکستان اور یواے ای میں ہونے والی آئی سی سی چیمپیئنز ٹرافی میں مجموعی طور پر 368 بلین گلوبل ویوئنگ منٹ ریکارڈ کیےگئے۔یہ 2017ء میں انگلینڈ اور ویلز میں منعقد ہونے والی چیمپئنز ٹرافی سے 19 فیصد زیادہ ہے۔2017ء کی چیمپئنز ٹرافی کے فائنل میں پاکستان نے روایتی حریف بھارت کو 180 رنز سے شکست دے کر جیتی تھی۔2025ء کی آئی سی سی چیمپئنز ٹرافی 1996ء کے بعد پاکستان کی سرزمین پرمنعقد ہونے والا پہلا آئی سی سی ایونٹ تھاپاکستان نے اس ایونٹ کی تیاری کے لیے اپنے اہم سٹیڈیمز کی تعمیر اور اہم تزئین و آرائش کی ۔ ریکارڈ وقت میں قذافی سٹیڈیم کو نیا روپ دیا گیا۔یواے ای میں انڈیا اور نیوزی لینڈ کے درمیان فائنل کو عالمی سطح پر 65.3 بلین لائیو منٹ دیکھا گیا جو 2017ء کے فائنل کے مقابلے میں 52.1 فیصد زیادہ ہے۔ میزبان ملک پاکستان میں دیکھنے کے اوقات میں 24 فیصد اضافہ ہوا۔
چیمپئن ز ٹرافی 2025ء ہائبرڈ فارمولہ کے تحت پاکستان اور دوبئی میں کھیلی گئی۔
چیمپئن ز ٹرافی 2025ء ہائبرڈ فارمولہ کے تحت فروری اور مارچ میں میزبان ملک پاکستان کے علاوہ دوبئی میں کھیلی گئی۔ سیمی فائنل اور فائنل سمیت بھارت کے تمام لیگ میچز دوبئی میں کھیلے گئے۔ دفاعی چیمپئن پاکستان اگرچہ لیگ راؤنڈ کے تین میں سے دو میچز میں ہار گیا اور تیسرے میچ میں جو پاکستان اور بنگلہ دیش کے درمیان تھا بارش کے باعث ڈرا قرار دے دیا گیا تھا اور یوں پاکستان صرف ایک پوائنٹ کے ساتھ لیگ راؤنڈ میں ہی ایونٹ سے باہر گیا تھا لیکن ایونٹ کے کامیاب انعقاد کا پورا کریڈٹ پانے میں کامیاب رہا انتظامات بارے ٹیموں کے ریمارکس حوصلہ افزاء رہے ۔ایونٹ کے ایک سیمی فائنل کی میزبانی پاکستانی شہر نے کی دوسرا سیمی فائنل دوبئی میں کھیلا گیا بھارت کی جیت کے باعث فائنل میچ لاہور سے دوبئی منتقل کر دیا گیا تھا ۔
