Admin
محمد ندیم قیصر (ملتان)
:تفصیلات
پاکستان سٹرائیک فورس کا تربیتی کیمپ نیشنل کرکٹ اکیڈمی لاہور میں شروع ہو گیا ہے۔ کیمپ کا مقصد ڈومیسٹک اور انٹرنیشنل کرکٹرز میں جدید دور کی بیٹنگ اور ہارڈ ہٹنگ کی مہارتوں پر کام کرنا ہے۔ کیمپ 14 سے 30 جنوری تک این سی اے لاہور میں جاری رہےگا اور کیمپ کا دوسرا مرحلہ ملتان کرکٹ سٹیڈیم ملتان میں یکم سے 28 فروری تک ہوگا۔ سٹرائیک فورس کیمپس ایمرجنگ اور ایلیٹ کھلاڑیوں کے لیے پورے سال کیلئے پلان کیے گئے ہیں۔
سابق انٹرنیشنل کرکٹر عبدالرزاق، جنہوں نے اپنے 17 سالہ انٹرنیشنل کیریئر میں ہارڈ ہٹنگ سے نام بنایا اور پاکستان کے لیے 168 چھکے لگائے، اس کیمپ کے ہیڈ کوچ ہیں جس کا مقصد بیٹنگ کے مختلف پہلوؤں کو تبدیل کرنا ہے جن میں ہینڈ آئی کو آرڈینیشن سٹانس اور پاور ہٹنگ شامل ہیں۔
کیمپ میں سابق ٹیسٹ کرکٹر ہمایوں فرحت اور سابق فرسٹ کلاس کھلاڑی کامران ساجد، عبدالرزاق کی معاونت کریں گے۔ سٹرائیک فورس کیمپ کیلئے کال کیے گئے 25 کھلاڑیوں کو بھی اس حوالے سے رہنمائی کی جائے گی کہ کس طرح پریشر میں پرفارمنس کی جاتی ہے اور طاقت کے ساتھ جارحانہ اور تحمل کے ساتھ کس طرح بڑی کرکٹ میں بیٹنگ کی جاتی ہے۔
آئی سی سی چیمپئنز ٹرافی 2025ءکے بعد 2028 ء تک پاکستان کو دو آئی سی سی ٹی ٹوئنٹی ورلڈ کپ، ایک آئی سی سی کرکٹ ورلڈ کپ اور متعدد دوطرفہ وائٹ بال سیریز کھیلنی ہیں اس کیمپ سے قومی سیٹ اپ اور ڈومیسٹک ٹیموں کی بیٹنگ کے لیے معیاری بینچ سٹرینتھ بڑھانے میں بھی مدد ملے گی۔
حیدر علی، جہانداد خان، خوشدل شاہ، محمد عباس آفریدی، مبصر خان، محمد عرفان خان اور عثمان خان شاہ ۔سٹرائیک فورس کیمپ کا حصہ بننے والے سات پاکستانی کھلاڑی ہیں جو انٹرنیشنل کرکٹ کھیل چکے ہیں۔
پاکستان سٹرائیک فورس کیمپ میں شریک کرکٹرز۔
عبدالصمد (فیصل آباد) آفاق احمد (ایبٹ آباد) علی عمران (اسلام آباد)، عماد بٹ (سیالکوٹ)، عاشر محمود (سیالکوٹ)، حیدر علی (راولپنڈی) حسن نواز (اسلام آباد)، جہانداد خان (راولپنڈی) خواجہ محمد نافع (کراچی) خیام خان (ایبٹ آباد)، خوشدل شاہ (پشاور)، محمد عباس آفریدی (پشاور)، محمد عامر برکی (پشاور)، محمد فائق (لاہور)، محمد فیضان (فیصل آباد)، محمد سرور آفریدی (فاٹا) مبصر خان (راولپنڈی) محمد اخلاق (لاہور) محمد عمران رندھاوا (بہاولپور) محمد عرفان خان (فیصل آباد) ناصر نواز (راولپنڈی)، سعد مسعود (راولپنڈی)، شاویز عرفان (لاہور)، عثمان خان (کراچی) اور یاسر خان (راولپنڈی) ہیں۔
پلیئر سپورٹ سٹاف
عبدالرزاق (ہیڈ کوچ)، ہمایوں فرحت (اسسٹنٹ کوچ)، کامران ساجد (اسسٹنٹ کوچ)، یاسر ملک (ٹرینر) ، سلیمان اظہر (ڈیٹا انالسٹ) اور شہباز عاجز (تھرو ڈاؤن سپیشلسٹ ) پر مشتمل ہے۔
