Admin
: محمد ندیم قیصر (ملتان)
: تفصیلات
سول سروسز اسٹرکچر کی بہتری اور جدید خطوط پر استوار کرنے کا فیصلہ کیا گیا ہے اور سفارشات مرتب کرنے کے لیے وفاقی کمیٹی قائم کی گئی ہے۔ وفاقی وزیر احسن اقبال کی سربراہی میں قائم کی گئی
کمیٹی ایک ماہ میں اصلاحات پر مبنی جامع سفارشات پیش کرے گی۔اس سلسلے میں وزیرِ اعظم محمد شہباز شریف کی زیرِ صدارت منعقدہ سول سروسز کی اصلاحات پر جائزہ اجلاس میں سول سروسز کمیٹی کو ٹاسک دیا گیا ہے کہ کمیٹی میرٹ پر بہترین ٹیلنٹ کی بھرتی، ترقی کیلئے مخصوص اہداف پر مبنی کے پی آئیز، اے سی آر نظام کی بہتری و مؤثر متبادل کے حوالے سے سفارشات مرتب کرکے پیش کرے.
مزید کہا گیا ہے کہ جدید ٹیکنالوجی و جدید نظام کے حوالے سے افسران کی استعداد کار کو بڑھانے کیلئے لائحہ عمل بھی سفارشات کا حصہ ہو.ایسی سفارشات مرتب کی جائیں جو پائیدار نظام کی بنیاد بنیں، گورننس کی بہتری اور سول سروسز کو عصری تقاضوں سے متواتر ہم آہنگ کرنے کا مستقل نظام قائم کریں. سول سروسز میں عام آدمی کی زندگی کو آسان بنانے اور اسکا معاون بنانے کیلئے اصلاحات حکومت کی اولین ترجیحات میں شامل ہے.
سول سروسز میں بھرتی، ٹریننگ، کارکردگی کے جائزے، تنخواہوں کی بہتری اور ترقی کے حوالے سے مشاورت کے بعد تجاویز طلب۔
اجلاس کو سول سروسز اصلاحات کے حوالے سے بریفنگ دیتے ہوئے بتایا گیا کہ سول سروسز میں بھرتی، ٹریننگ، کارکردگی کے جائزے، تنخواہوں کی بہتری اور ترقی کے حوالے سے مشاورت کے بعد تجاویز مرتب کی جارہی ہیں. اجلاس کو خطے کے دوسرے ممالک میں سول سروسز کی اصلاحات کا پاکستان کے ساتھ تقابلی جائزہ بھی پیش کیا گیا. اجلاس کو بتایا گیا کہ گورننس کی بہتری، عام شہری کی زندگی کو بہتر بنانے کے ساتھ ساتھ بہترین ٹیلنٹ کی میرٹ پر بھرتیوں کو سول سروسز اصلاحات کا محور رکھتے ہوئے سفارشات کو حتمی شکل دی جائے گی. وزیرِ اعظم کی قائم شدہ کمیٹی کو ایک ماہ کے دوران تمام اسٹیک ہولڈرز سے مشاورت کے بعد جامع سفارشات کو حتمی شکل دینے کی ہدایت کی۔اجلاس میں وفاقی وزراء احسن اقبال، اعظم نذیر تارڑ، احد خان چیمہ، سردار اویس خان لغاری، علی پرویز ملک، مشیر وزیرِ اعظم رانا ثناء اللہ، وزیرِ مملکت بلال اظہر کیانی، معاونین خصوصی ہارون اختر، طارق باجوہ، ڈاکٹر جہانزیب خان سیکریٹری ایپکس کمیٹی ایس آئی ایف سی اور متعلقہ اعلی حکام نے شرکت کی.۔اور انہوں نے سول سروسز کے شعبے کو جدید تقاضوں سے ہم آہنگ کرنے کیلئے وزیر اعظم کے ویژن کو سراہا اور کہا کہ اس پر عملدرآمد سے پاکستان سول سرونٹس سٹرکچر میں انقلابی تبدیلی آئے گی۔
