Admin
: محمد ندیم قیصر (ملتان)
: تفصیلات
ویسٹ انڈیز نے 34 سال بعد پاکستان کے خلاف پہلی ون ڈے سیریز جیت لی ٹرینیڈاڈ اینڈ ٹوبیگو میں برائن لارا سٹیڈیم میں پاکستان کے خلاف ون ڈے سیریز میں تاریخی فتح حاصل کرکے 34 سالہ پرانی چال توڑ دی۔ویسٹ انڈیز نے202 رنز کی بڑی فتح کے ساتھ 1991ء کے بعد پاکستان کے خلاف پہلی ون ڈے سیریز جیت کر سیریز 2-1 سے اپنے نام کی۔جےڈن سیلز کو تین میچوں میں 10 وکٹیں لینے پر سیریز کا بہترین کھلاڑی قرار دیا گیا۔295 رنز کے مشکل ہدف کے تعاقب میں پاکستان دباؤ کا شکار ہو گیا اور 29.2 اوورز میں صرف 92 رنز بنا کر آؤٹ ہو گیا۔پاکستان کی بیٹنگ لائن اپ کو تہس نہس کرنیوالے فاسٹ بولر جےڈن سیلز نے چھ وکٹوں کی شاندار کارکردگی کے ساتھ جیت میں اہم ترین کردار ادا کیا۔
اوپننگ جوڑی کے بعد کپتان کا گولڈن ڈک٬ بابر ۔حسن نواز بھی اننگز کی تعمیر نو میں ناکام
صائم ایوب پہلے اوور میں تین گیندوں پر صفر کے لیے گئے، اس کے بعد عبداللہ شفیق بھی اپنا کھاتہ نہ کھول سکے اور آٹھ گیندیں کھیلے۔صرف 8 رنز پر دونوں اوپنرز کا خسارہ اٹھانے والی پاکستانی ٹیم کو محمد رضوان اور بابر اعظم کی تجربہ کار جوڑی سے اننگز کی تعمیر نو کی امید تھی لیکن سیلز نئی گیند کے ساتھ غیر معمولی تھے اور پاکستانی کپتان کو ایک خوبصورت ان سوئنگ ڈیلیوری کے ذریعے گولڈن ڈک پر کلین بولڈ کر دیا۔بابر اعظم بھی پچ پر آرام دہ نظر نہیں آئے اور ایل بی ڈبلیو ہو گئے۔ وہ 23 گیندوں کا سامنا کرنے کے بعد صرف 9 رنز بنا سکے۔صرف 23 رنز پر 4 وکٹیں گنوانے کے بعد نویں اوور کے کھیل میں پاکستان کی تباہ حال اننگز کو سنوارنے کی بھاری ذمہ داری نائب کپتان سلمان علی آغا اور حسن نواز کے کاندھوں پر آن پڑی۔ لیکن یہ جوڑی بھی پانچویں وکٹ کی پارٹنرشپ میں صرف 38 رنز جوڑ پائی ۔اس دوران مطلوبہ رن ریٹ بڑھنے کے ساتھ، حسن نواز اپنا صبر کھو بیٹھے، 40 گیندوں پر صرف 13 رنز بنانے کے بعد سٹمپ ہو گئے۔حسن نواز کی وکٹ نے اک نئی تباہی کو جنم دیا جس سے پاکستان بعد میں باہر نہ آ سکا، بالآخر مجموعی طور پر رنزوں کی سنچری مکمل کرنے سے پہلے ایک معمولی ٹوٹل پر آل آؤٹ ہو گیا۔سلمان آغا نے 49 گیندوں پر تین چوکوں کی مدد سے 30 رنز بناکر ٹاپ سکورر رہے۔
جےڈن سیلز نے آدھی سے زیادہ پاکستانی ٹیم کو ٹھکانے لگانے کا مشن پورا کیا٬ پیسر کی صرف 18 رنز دے کر 6 وکٹوں کی ریکارڈ ساز کارکردگی
ویسٹ انڈیز کے لیے، جےڈن سیلز نے 7.2 اوورز میں آدھی سے زیادہ پاکستانی ٹیم کو ٹھکانے لگانے کا مشن پورا کیا انہوں نے صرف 18 رنز دے کر 6 آؤٹ کرنے کی شاندار کارکردگی دکھائی۔اس سے قبل، بیٹنگ میں ڈالنے کے بعد، ویسٹ انڈیز نے اپنے مقررہ 50 اوورز میں 294-6 بنائے۔سیریز میں تیسری بار برینڈن کنگ کے کم سکور پر گرنے کے ساتھ ہوم سائیڈ کی افتتاحی معمہ جاری رہی۔ گرین شرٹس نے ابتدائی وار کرتے ہوئے دائیں ہاتھ کے بلے باز کو میچ کے دوسرے اوور میں انفرادی سکور صرف پانچ رنز پر آؤٹ کر دیا۔ابتدائی وکٹ کے بعد، پاکستان نے لائن لینتھ پر باؤلنگ ردھم کو برقرار رکھا۔ پاور پلے کے اختتام پر ویسٹ انڈیز صرف 35 رنز ہی بنا سکا اور اس مرحلہ پر ایون لوئس اور کیچ کارٹی کریز پر موجود تھے۔لیوس، جو محتاط انداز میں بیٹنگ کر رہے تھے، انہوں نے سپنر حسین طلعت کے خلاف جارحانہ انداز اپنایا اور اننگز کے14ویں اوور میں دو چھکے جڑ دیئے اور 14 رنز بٹولیے تاہم ب اگلے ہی اوور میں کیچ ہو گئے،انہوں نے 54 گیندوں پر تین چھکوں اور ایک چوکے کی مدد سے 37 رنز بنائے۔پاکستان باؤلرز نے مزید دباؤ بڑھایا اور رنز کی رفتار کو کنٹرول کرنے پر بھی توجہ دی جس کے نتیجے میں ایک اور وکٹ گر گئی۔ کیچ کارٹی کی 45 گیندوں پر 17 رنز پر مشتمل کچھوے کی چال سست اننگز کا سپنر ابرار احمد نے خاتمہ کردیا۔
مرد بحران سنچری میکر کپتان شائی ہوپ نے تباہی سے دوچار اننگز کو نہ صرف سنبھالا بلکہ یادگار سنچری بناکر ٹیم کا ٹوٹل ٹرپل سنچری کے کنارے پہنچا دیا
پچ پر موجود کپتان شائی ہوپ نے مرد بحران کا کردار نبھایا٬ تباہی سے دوچار اننگز کو نہ صرف سنبھالا بلکہ یادگار سنچری بناکر ٹیم کا ٹوٹل ٹرپل سنچری کے کنارے پہنچا دیا٬مرد بحران کپتان نے سب سے پہلے، شیرفین ردرفورڈ (40 گیندوں پر 15رنز) کے ساتھ 45 رنز کی شراکت قائم کی اور 30.3 اوورز میں مجموعی مجموعی سکور 113 تک پہنچا دیا۔شائی ہوپ نے روسٹن چیز کے ساتھ 64 رنز کی جارحانہ پارٹنر شپ کے ذریعے ہوم سائیڈ کی اننگز کو مستحکم کیا۔
گریوز کے ساتھ کپتان کی 50 گیندوں پر 120 رنز کی برق رفتار ناقابل شکست پارٹنر شپ
میزبان ٹیم کی اننگز کے پانچویں خسارہ ردرفورڈ کے آؤٹ ہونے کے بعد، شائی ہوپ نے روسٹن چیز کے ساتھ 64 رنز کی جارحانہ پارٹنر شپ کے ذریعے ہوم سائیڈ کی اننگز کو مستحکم کیا۔چیس، جو خطرناک نظر آرہا تھا، دو چھکے اور تین چوکے لگا کر 29 گیندوں پر 36 رنز بنانے کے بعد آؤٹ ہوئے اور گرین شرٹس نے ایک اور اہم وکٹ گرانے کے ساتھ میچ میں واپسی کی۔صرف پانچ رنز کے مجموعی سکور میں اضافہ کے ساتھ سدیش موتی کو کیچ آؤٹ کردیا گیا٬ دیا گیااور ویسٹ انڈیز 41.5 اوورز میں 6وکٹیں 184 رنز پر گر چکی تھیں۔
اس مرحلہ پر شائی ہوپ نے جسٹن گریوز کے ساتھ مل کر ساتویں وکٹ کیلئے برق رفتار شراکت داری کی اور صرف 50 گیندوں پر ناقابل شکست 110 رنز کا اضافہ کیااور پاکستان کے لیے مقررہ 50 اوورز میں 6 وکٹوں کے نقصان پر 294 رنز ہدف دے دیا جسٹن گریوز نے صرف 24 گیندوں پر 4 چوکوں اور دو چھکوں کی مدد سے 43 رنز بنائے۔کپتان شائی ہوپ نے 94 گیندوں پر 5 چھکوں اور 10چوکوں کی مدد سے 120 رنز کی یادگار ناقابل شکست سنچری اننگز کھیلی۔پاکستان کی جانب سے ابرار احمد اور نسیم شاہ نے دو دو وکٹیں حاصل کیں۔
