Admin
: محمد ندیم قیصر (ملتان)
: تفصیلات
منہ زور سیلاب ملتان کی طرف بڑھنے لگا ٬ کل سات لاکھ سے زائد کیوسک کا ریلا دریائے چناب سے گزرے گا٬ 138 موضع جات متاثر ہونے کا خدشہ ہے ٬ ڈپٹی کمشنر وسیم حامد سندھو اور سی پی او صادق علی ڈوگر نے مشترکہ پریس کانفرنس میں مزید بتایا کہ دریائی علاقوں میں رہائش پذیر ابادی فوری محفوظ مقامات پر منتقل ہو جانے کی اپیل کی ۔
بریفننگ میں مزید بتایا گیا کہ سیلاب سے 138 موضع جات متاثر ہو سکتے ہیں،38 امدادی کیمپ مختلف مقامات پر لگا دئیے ہیں۔ ریسکیو ، اریگیشن سمیت تمام محکمے فیلڈ میں ہیں۔
ایسے متاثرین جو دریائی بیلٹ میں موجود ہیں انکو پولیس کی مدد سے انخلاء کر رہے ہیں۔بریفننگ میں امدادی سرگرمیوں بارے مزید بتایا گیا کہ مجموعی طور پر 138 موضع میں تین لاکھ متاثرین کی نقل مکانی کروانی ہے۔45 ہزار لوگوں کا انخلاء مکمل کر لیا گیا ہے۔باقی دو دن میں تمام متاثرین کے انخلاء کو یقینی بنایا جائے گا۔
بپھرے ہوئے سیلاب کے بدترین نقصان کو کم سے کم کرنے کیلئے پلان بارے بھی بریفننگ دی گئی جس کے مطابق ضرورت پڑی تو ہیڈ محمد والا ، شیر شاہ پر بریچ کیا جائے گا۔ شہریوں کو پریشان ہونے کی ضرورت نہیں ، ایسی جگہ بند نہیں توڑا جائے گا کہ جس سے آبادی کو نقصان ہو٬ بند کہاں سے توڑے جائیں گے اس کا فیصلہ اریگیشن سمیت دیگر محکموں کی میٹنگ کے بعد ہوگا.سب سے پہلی ترجیح ہے لوگوں کا انخلاء کریں ،دریا کا بیٹ یروں مکمل طور پر سیلاب کی زد میں آئے گا٬جس مقام پر شگاف ڈالے جائیں گے ان علاقوں سے بھی شہریوں کو نکالیں گے٬دریائی علاقوں میں رہنے واے ایک ایک متاثرہ فرد کو وہاں سے نکالا جائے گا٬ سیلابی علاقوں سے انخلاء کروائے گئے جانوروں کوامدادی کیمپوں چارہ ، لائیو سٹاک ہر سہولت ملے گی ۔
