Admin
: محمد ندیم قیصر (ملتان)
: تفصیلات
پنجاب کے وزیر صحت و چیئر مین کابینہ ڈیزاسٹر کمیٹی خواجہ سلمان رفیق ملتان پہنچ گئے اور انہوں نےہیڈ محمد والا بریچننگ پوائنٹ ٬ فلڈ ریلیف و ریسکیو کیمپس کا دورہ کیا ٬ریسکیو کیمپس کا دورہ کیا اور امدادی سرگرمیوں بارے بریفنگ لی انہوں نے واضح کیا کہ متاثرہ علاقہ جات میں ریلیف کیمپوں اور طبی سہولتوں پر کوئی سمجھوتہ نہیں کیا جائے گا٬وزیر صحت نے کہا کہ ہسپتالوں ہنگامی صورتحال میں مریضوں کی سہولت کی خاطر الرٹ ہیں، انہوں نےہدایت کی کہ سیلاب زدگان کے کیمپوں میں سانپ کاٹنے کی ویکسین و دیگر ادویات کی دستیابی کو ہر کیمپ میں یقینی بنایا جائے۔
صوبائی وزیر کو ایڈیشنل ڈپٹی کمشنر ریونیو محمد ابو بکر اور ایکسیئن اریگیشن نے سیلابی صورتحال پر بریفننگ دی۔
خواجہ سلمان رفیق نے امدادی سرگرمیوں میں مصروف سرکاری حکام اور میڈیا سے گفتگو کرتے ہوئے کہا کہ وزیراعلی پنجاب مریم نواز شریف کی مثالی قیادت سے نقصانات میں کمی کی کوشش کی جارہی ہے، سیلاب متاثرین کے انخلا اورخوراک کی فراہمی کو یقینی بنایا جائے، سانپ کاٹنے کی ویکسین و دیگر ادویات کی دستیابی کو ہر کیمپ میں یقینی بنایا جائے٬حکومت پنجاب مشکل وقت میں عوام کے ساتھ کھڑی ہے٬وقت مشکل ہے لیکن عوام کا حوصلہ قابل ستائش ہے،سیلاب متاثرین کو سہولیات کی فراہمی کیلئے تمام تر وسائل بروئے کار لائے جا رہے ہیں۔
سیلابی صورتحال بارے وزیر صحت پنجاب و چیئرمین کابینہ ڈیزاسٹر کمیٹی کا کہنا تھا کہ ہیڈ تریموں سے 5 لاکھ کیوسک کا ریلا ملتان پہنچ رہا ہے۔
ہیڈ محمد والا بریچننگ کیلئے ضلعی انتظامیہ کو مکمل اختیار دیا گیا ہے، سیلاب متاثرین تک کھانا، صاف پانی اور ادویات کی فراہمی کو یقینی ، جانوروں کیلئے ونڈہ اور چارے سمیت ویکسی نیشن کا سٹاک کم نہ ہونے دیا جائے۔
