بھارت کے شہر احمد آباد سے لندن کے لیے اڑان بھرنے والا مسافر طیارہ ڈاکٹرز کے ہاسٹل پر گر کے تباہ۔ 242 مسافروں اور سٹاف کے بچنے کی امید نہیں : ایمرجنسی حکام

:محمد ندیم قیصر (ملتان)

: تفصیلات

بھارت کے شہر احمد آباد سے لندن کے لیے اڑان بھرنے والا مسافر طیارہ پرواز کے صرف 5 منٹ میں ڈاکٹرز کے ہاسٹل پر گر کے تباہ ہو گیا۔ طیارہ کے زمین سے ٹکراتے ہی آگ لگ گئی اور شعلے آسمان کو چھونے لگے۔ کالے سیاہ دھوئیں نے فضاء کو اپنی لپیٹ میں لے لیا۔ ایمرجنسی ڈیوٹی پر پہنچنے والوں کے ذرائع کے مطابق طیارہ میں سوار عملہ کے 10 سٹاف سمیت 242 مسافروں میں سے کسی ایک کی بھی بچنے کی امید باقی نہیں رہ گئی۔ ان بدقسمت مسافروں کا تعلق بھارت ۔ انگلینڈ ۔ پرتگال اور کینیڈا سے بتایا جارہا ہے۔احمد آباد ایئر پورٹ کی ریڈار رپورٹ کے مطابق لندن کیلئے ٹیک آف مکمل ہوتے ہی بدقسمت مسافر طیارہ 625 فٹ کی بلندی پر پہنچا ہی تھا کہ طیارے کا ریڈار سے رابطہ اچانک منقطع ہو گیا اور عینی شاہدین نے طیارہ کو تیزی سے زمین کی طرف آتے ہوئے۔ ٹکراتے اور آگ کے شعلوں کو آسماں کی طرف بلند ہوتے دیکھا۔ یکایک جلتے طیارہ کے ملبے سے کالے سیاہ دھوئیں نے فضاء کو اپنی لپیٹ میں لے لیا۔ جائے حادثہ کی ارد گرد کی آبادی میں خوف و ہراس کی فضاء ہے اور چیخ و پکار سنائی دیتی رہی۔بھارتی وزیراعظم نریندر مودی نے مسافر طیارہ کے اندوہناک سانحہ پر افسوس کا اظہار کرتے ہوئے کہا کہ اظہار افسوس: سانحہ نے دھچکا پہنچایا، دل افسردہ ہے

حادثہ کا شکار ایئر انڈیا کے طیارہ بوئنگ 787کی سنہری تاریخ پر غم و افسردگی کا داغ لگ گیا۔

حادثہ کا شکار ایئر انڈیا کے طیارہ بوئنگ 787کی سنہری تاریخ پر غم و افسردگی کا داغ لگ گیا۔اس طیارہ کی تاریخ اور بھارتی ایئر لائنز میں شمولیت بارے معلومات سوشل میڈیا پر گردش کرنے لگی ہیں ۔ان معلومات کے مطابق ایئر انڈیا کا کریش وہ پہلا موقع ہے جب بوئنگ 787 طیارے کو اس طرح کا حادثہ پیش آیا ہو۔یہ ماڈل 14 برس پہلے لانچ کیا گیا تھا اور صرف چھ ہفتے قبل ہی بوئنگ کی جانب سے ڈریملائنر ماڈل کی تعریف کرتے ہوئے کہا گیا تھا کہ اس ماڈل نے ایک ارب مسافروں کو اپنی منزلوں تک پہنچانے کا سنگِ میل عبور کر لیا۔اس موقع پر کمپنی کی جانب سے کہا گیا تھا کہ عالمی سطح 1175 بوئنگ 787 طیاروں کی فلیٹ نے 50 لاکھ پروازیں اڑیں جن میں 3 کروڑ فلائٹ آورز شامل ہیں۔یہ حادثہ ایک ایسے وقت میں ہو ہے جب کمپنی کو متعدد مسائل کا سامنا تھا جن میں اس کے 737 طیاروں کے حادثے شامل ہیں۔یہ حادثہ کا شکار ہونیوالی کمپنی کی سربراہ چیف ایگزیکٹو آفیسر کیلی آرٹبرگ نے محض ایک سال پہلے عہدے کا چارج سنبھالا تھا کمپنی کے امور خوش اسلوبی سے معمول کے مطابق چل رہے تھے کہ جمعرات کی ڈھلتی سہ پہر نے احمد آباد ایئر پورٹ کے قریب بوئنگ 787 کے گر کر تباہ ہونے کے سانحہ نے ہلچل مچا دی ہے۔