:محمد ندیم قیصر (ملتان)

:تفصیلات

آئی سی سی ویمنز کرکٹ ورلڈ کپ 2025ء کیلئے 15 قومی سکواڈ کا اعلان کردیا گیا فاطمہ ثناکوالیفائر میں پاکستان کی قیادت کریں گی۔اوپنر شوال ذوالفقار کی 16 ماہ بعد انٹرنیشنل کرکٹ میں واپسی ہوئی ہے۔

یہ میگا ایونٹ پاکستان کی میزبانی میں کھیلا جائے گا 9 سے 19 اپریل تک شیڈولڈ ایونٹ کے میچز لاہور کے قذافی سٹیڈیم اور ایل سی سی اے گراؤنڈ ہوں گے ۔ آئی سی سی ویمنز کرکٹ ورلڈ کپ کوالیفائر کے لیے 15 رکنی سکواڈ کا اعلان لاہور میں جاری دوسرے مرحلے کے تیاری کے کیمپ میں کھلاڑیوں کی فٹنس اور فارم کا جائزہ لینے کے بعد کیا گیا ہے اس کیمپ میں کھلاڑیوں نے وارم اپ میچز اور پریکٹس سیشن میں حصہ لیا۔

قومی سلیکشن کمیٹی کا فاطمہ ثنا کی قیادت پر اعتماد برقرار۔ شوال ذولفقار انجریز سے صحت یاب ۔ ٹیم میں واپسی۔

قومی وومنز ٹیم کی کپتان فاطمہ ثناء جنہوں نے 6 ٹی ٹوئنٹی اور دو ون ڈے میچوں میں پاکستان کی قیادت کر چکی ہیں۔ 50 اوورز کے اس ایونٹ کیلئے بھی ثناء فاطمہ کی قیادت پر اعتماد کا اظہار کیا گیا ہے۔ دریں اثناء شوال ذوالفقار دسمبر 2023ء میں نیوزی لینڈ کے دورے کے دوران کندھے کی انجریز کا شکار ہو گئی تھیں اب صحت یاب ہونے کے بعد قومی سلیکشن کمیٹی نے انہیں ٹیم میں واپسی کی خوشخبری سنائی ہے۔

آئی سی سی وومنز ورلڈ کپ کوالیفائنگ راؤنڈ کیلئے پاکستان ٹیم کا حتمی سکواڈ۔ پولیس افسر حنا منور ٹیم منیجر مقرر۔

پاکستان وومنزسلیکشن کمیٹی نے آئی سی سی وومنز ورلڈ کپ کوالیفائنگ راؤنڈ کیلئے پاکستان ٹیم کا حتمی سکواڈ اعلان کیا ہے 15 رکنی ان کھلاڑیوں پر مشتمل ہے۔

فاطمہ ثنا (کپتان) منیبہ علی (نائب کپتان)، عالیہ ریاض، ڈیانا بیگ، گل فیروزہ، نجیہہ علوی (وکٹ کیپر) نشرہ سندھو، نتالیہ پرویز، عمیمہ سہیل، رامین شمیم، سعدیہ اقبال، شوال ذوالفقار ۔ سدرہ امین۔ سدرہ نواز ( وکٹ کیپر ) اور سیدہ عروب شاہ ریزرو کھلاڑیوں کے نام غلام فاطمہ، وحیدہ اختر اور ام ہانی ہیں۔

پلیئر سپورٹ سٹاف میں اعلیٰ پولیس افسر حنا منور کی بحیثیت ٹیم منیجر تقرری ہے حنا منور (منیجر) محمد وسیم ( ہیڈ کوچ ) جنید خان (اسسٹنٹ کوچ بولنگ)، عبدالرحمان (اسسٹنٹ کوچ اسپن بولنگ) ۔عبدالسعد (اسسٹنٹ کوچ فیلڈنگ)، ولید احمد ( انالسٹ ) محمد رفیع اللہ (میڈیا منیجر) محمد رمضان (سٹرینتھ اینڈ کنڈیشننگ کوچ) تحریم سنبل شاہ ( فزیوتھراپسٹ ) کرن شہزادی( میسیور )۔

اعلیٰ پولیس افسر حنا منور حالیہ چیمپئنز ٹرافی میں پاکستان مینز کرکٹ ٹیم کی آپریشنز منیجر بھی رہ چکی ہیں ۔

آئی سی سی وومنز ورلڈ کپ 2025ء کے لیےپاکستان ٹیم کے سپورٹنگ سٹاف میں اہم تقرری اعلیٰ افسر حنا منور کی ہے انہیں قومی ٹیم کا منیجر مقرر کیا گیا ہے وہ پاکستان میں کھیلی گئی حالیہ چیمپئنز ٹرافی 2025ء کے دوران آپریشنز منیجر کے فرائض بھی انجام دی چکی ہیں انہوں نے فروری میں پاکستان میں کھیلی گئی سہ ملکی سیریز کے دوران بھی پاکستان ٹیم کے نگران افسر کی خدمات انجام دی تھیں۔ حنا منور کو ایشیا کپ کے لیے جانے والی پاکستان ویمنز انڈر 19 سکواڈ کا منیجر بھی نامزد کیا گیا تھا۔

آئی سی سی وومنز ورلڈ کپ کوالیفائر 2025ء کا شیڈول۔سنگل لیگ راؤنڈ رابن فارمیٹ کے تحت کھیلا جائے گا۔

آئی سی سی وومنز ورلڈ کپ کوالیفائر 2025ء کا شیڈول۔سنگل لیگ راؤنڈ رابن فارمیٹ کے تحت کھیلا جائے گا۔6 ٹیموں پر مشتمل آئی سی سی ایونٹ جس میں میزبان پاکستان کے ساتھ بنگلہ دیش، آئرلینڈ، سکاٹ لینڈ، تھائی لینڈ اور ویسٹ انڈیز شامل ہیں سنگل لیگ راؤنڈ رابن فارمیٹ پر مشتمل ہوگا۔ لاہور کا قذافی اسٹیڈیم اور ایل سی سی اے گراؤنڈ اس ایونٹ کے 15 میچوں کی میزبانی کریں گے۔قذافی سٹیڈیم میں ہونے والے افتتاحی میچ میں پاکستان کا مقابلہ آئرلینڈ سے ہوگا۔

پاکستان کے میچز (دن کے میچ صبح 9.30 بجے شروع ہونگے اور ڈے/ نائٹ میچز مقامی وقت کے مطابق دوپہر 2 بجے شروع ہونگے)۔

بمقابلہ آئرلینڈ – 9 اپریل، قذافی اسٹیڈیم (دن)

بمقابلہ اسکاٹ لینڈ – 11 اپریل، ایل سی سی اے گراؤنڈ (دن)

بمقابلہ ویسٹ انڈیز – 14 اپریل، قذافی اسٹیڈیم ( ڈے نائٹ ) 

بمقابلہ تھائی لینڈ – 17 اپریل، قذافی اسٹیڈیم ( ڈے نائٹ )

بمقابلہ بنگلہ دیش – 19 اپریل، ایل سی سی اے (دن)