Admin
:محمد ندیم قیصر (ملتان)
:تفصیلات
پاکستان کرکٹ بورڈ نے ایچ بی ایل پی ایس ایل 10 کا نیا شیڈول جاری کردیا۔بقیہ آٹھ میچز 17 سے 25 مئی تک کھیلے جائیں گے۔ایچ بی ایل پی ایس ایل کے بقیہ آٹھ میچز 17سے25 مئی تک راولپنڈی اور لاہور میں کھیلے جائیں گے۔راولپنڈی کرکٹ سٹیڈیم میں لیگ کے آخری چار میچز کھیلے جائیں گے۔قذافی سٹیڈیم لاہور پلے آف مرحلے کی میزبانی کرے گا جس میں فائنل بھی شامل ہے۔نئے شیڈول کے تحت 17 مئی کو راولپنڈی میں پشاور زلمی اور کراچی کنگز کے درمیان میچ کھیلا جائے گا۔18 مئی کو راولپنڈی میں ڈبل ہیڈر میں پہلا میچ ملتان سلطانز اور کوئٹہ گلیڈی ایٹرز کا مقابلہ ہوگا ۔ اسی روز لاہور قلندرز اور پشاور زلمی کی ٹیمیں مدمقابل ہونگی۔19 مئی کو راولپنڈی میں آخری لیگ میچ اسلام آباد یونائٹڈ اور کراچی کنگز کے درمیان کھیلا جائے گا۔21 مئی کو لاہور میں پہلا کوالیفائر کھیلا جائے گا۔22مئی کو ایلیمنیٹرون ہوگا۔23 مئی کو کوالفائر ٹو ہوگا۔25 مئی کو ایچ بی ایل پی ایس ایل کا فائنل قذافی اسٹیڈیم لاہور میں کھیلا جائے گا۔لیگ کا واحد دوپہر کا میچ تین بجے اور اس روز ڈبل ہیڈر میچ آٹھ بجے ہوگا۔ رات کے دیگر میچز ساڑھے سات بجے شروع ہونگے۔دریں اثناء پاک بھارت جنگ بندی کے بعد میچز کے شیڈول میں راولپنڈی اور لاہور کے میچز تو بحال کیے گئے ہیں لیکن ملتان سٹیڈیم میں شیڈول ملتان سلطان اور کویٹہ گلیڈی ایٹرز کا میچ بحال نہیں کیا گیا اور اس میچ کی میزبانی راولپنڈی کو دے دی گئی ہے پاک بھارت کشیدگی کے دوران پہلے میچز راولپنڈی سے کراچی اور بعد میں کراچی سے دوبئی اور آخر میں تاحکم ثانی ملتوی کر دیئے گئے تھے۔
