Admin
:محمد ندیم قیصر (ملتان)
: تفصیلات
ایچ بی ایل پی ایس ایل کی ٹائٹل دوڑ 9 روز کے وقفے کے بعد آج سے دوبارہ شروع ہو رہی یے۔راولپنڈی کرکٹ سٹیڈیم میں بابر اعظم کی پشاور زلمی کا مقابلہ ڈیوڈ وارنر کی کراچی کنگز سے ہوگا۔پچھلے سال کی رنرز اپ ملتان سلطانز پلے آف سے باہر ہوگئی ہے۔ باقی پانچ ٹیمیں پلے آف کے لیے کوالیفائی کرنے کے لیے میدان میں ہیں۔ کوئٹہ گلیڈی ایٹرز اور کراچی کنگز بالترتیب 13 اور 10 پوائنٹس کے ساتھ پہلے اور دوسرے نمبر پر ہیں، اسلام آباد یونائیٹڈ، لاہور قلندرز اور پشاور زلمی کو لازمی میچ جیتنے کے امکانات کا سامنا ہے۔کل اتوار 18 مئی کو ڈبل ہیڈر میں ملتان سلطانز کا مقابلہ گلیڈی ایٹرز سے اور پشاور زلمی کا مقابلہ لاہور قلندرز سے ہوگا۔ شاداب خان کی اسلام آباد یونائیٹڈ 19 مئی کو لیگ کے آخری میچ میں کراچی کنگز سے مقابلہ کرے گی۔ کوالیفائر، ایلیمینیٹر 1 اور 2 اور فائنل 21 سے 25 مئی تک قذافی سٹیڈیم لاہور میں کھیلے جائیں گے ۔
محمد رضوان بیٹنگ میں ٹاپ پوزیشن پر۔ محمد عباس آفریدی اور جیسن ہولڈر مشترکہ طور پر باؤلنگ میں سرفہرست۔ٹکٹوں بارے اپڈیٹ بھی جاری۔
ایچ بی ایل پی ایس ایل کے 26 میچوں کے بعد محمد رضوان (363) حنیف محمد کیپ) صاحبزادہ فرحان (321) اور فخر زمان (309) ٹاپ تھری رنز بنانے والے بیٹرز ہیں باؤلنگ میں محمد عباس آفریدی اور جیسن ہولڈر آٹھ میچوں میں پندرہ پندرہ وکٹوں کے ساتھ مشترکہ طور پر سب سے زیادہ وکٹیں لینے والے کھلاڑی (فضل محمود کیپ) ہیں ۔ ابرار احمد اور حسن علی مشترکہ طور پر دوسرے نمبر پر ہیں جنہوں نے 14 ۔ 14 وکٹیں حاصل کی ہیں۔وکٹ کیپنگ میں پشاور زلمی کے محمد حارث نے سب سے زیادہ 10 کیچز اور اسٹمپڈ کیے ہیں ۔ کوئٹہ گلیڈی ایٹرز کے رائلے روسو نے سب سے زیادہ 11 کیچ کیے ہیں۔
ٹکٹوں کے بارے جاری کی گئی اپ ڈیٹ رپورٹ کے مطابق ایسے شائقین جنہوں نے 8 مئی پشاور زلمی بمقابلہ کراچی کنگز، 9 مئی پشاور زلمی بمقابلہ لاہور قلندرز اور 10 مئی اسلام آباد یونائیٹڈ بمقابلہ کراچی کنگز کے میچز کے ٹکٹ خریدے تھے اب وہی ٹکٹیں بالترتیب 17، 18 اور 19 مئی کے میچز کے لیے استعمال کر سکتے ہیں۔راولپنڈی کرکٹ سٹیڈیم میں 18 مئی کو ڈبل ہیڈر ڈے ہونے کی وجہ سے، پہلے جاری کردہ 9 مئی کا ٹکٹ دونوں میچوں میں استعمال کیا جا سکتا ہے۔ دوپہر کا میچ 3.30 بجے شروع ہوگا دوسرے میچ کا آغاز رات 8 بجے ہوگا۔18 مئی کے میچ کے علاوہ شام کے دیگر تمام میچز شام 7.30 بجے شروع ہوں گے۔
ایسے شائقین کہ جنہوں نے ایلیمینیٹر 1، 2 اور فائنل کے ٹکٹ خریدے ہیں وہ متعلقہ میچوں کی نئی اعلان کردہ تاریخوں کے مطابق انہیں استعمال کر سکتے ہیں۔
