:محمد ندیم قیصر (ملتان)
: تفصیلات
پاکستان کی ویمنز کرکٹ سیزن 26ـ2025ء کا کیلنڈر جاری کردیا گیا ۔ جس کے مطابق قومی وویمنز ٹیم اگست میں آئرلینڈ جائے گی جہاں آئرلینڈ کے خلاف تین ٹی ٹوئنٹی انٹرنیشنل میچز کھیلے گی۔جنوبی افریقہ وویمنز ٹیم ستمبر میں پاکستان کا دورہ کرے گی۔لاہور میں تین ون ڈے انٹرنیشنل میچز 16 سے 22 ستمبر تک کھیلے جائیں گے۔ویمنز ورلڈ کپ 30 ستمبر سے دو نومبر تک کھیلا جائے گا، پاکستان وویمنز ٹیم اپنے میچز سری لنکا میں کھیلے گی۔
پاکستان وویمنز ٹیم 7 فروری سے 2 مارچ 2026 تک جنوبی افریقہ کا دورہ کرے گی۔دورہ جنوبی افریقہ میں تین ون ڈے انٹرنیشنل اور تین ٹی ٹوئنٹی انٹرنیشنل میچز شامل۔اپریل 2026ء میں زمبابوے وویمنز کرکٹ ٹیم پاکستان کا دورہ کرے گی۔زمبابوے کے خلاف سیریز 24 اپریل سے 11 مئی تک کھیلی جائے گی۔سیریز میں تین ون ڈے انٹرنیشنل اور تین ٹی ٹوئنٹی انٹرنیشنل میچز شامل۔ویمنز ٹی ٹوئنٹی ورلڈ کپ 12 جون سے 5 جولائی تک انگلینڈ میں شیڈول ہے ۔ٹی ٹوئنٹی ورلڈ کپ سے پہلے پاکستان کرکٹ ٹیم آئرلینڈ میں تین ملکی ٹی ٹوئنٹی سیریز کھیلے گی۔ تین ملکی ٹی ٹوئنٹی سیریز میں پاکستان اور ویسٹ انڈیز کی کرکٹ ٹیمیں شریک ہوں گی۔
پاکستان کی انڈر19 ویمنز ٹیم کے غیر ملکی ٹیموں کے خلاف مختلف ٹور کی تفصیلات ۔
پاکستان انڈر 19 ویمنز ٹیم اس سال دسمبر میں بنگلہ دیش کا دورہ کرے گی۔بنگلہ دیش کے دورے پر پانچ ٹی ٹونٹی میچز کھیلے گی۔نیشنل ویمنز ون ڈے ٹورنامنٹ 6 سے 24 نومبر تک کراچی میں ہوگا۔نیشنل ویمنز ٹی ٹوئنٹی ٹورنامنٹ 24 مارچ سے 17 اپریل 2026ء تک کراچی میں ہوگا۔دونوں قومی ٹورنامنٹس ڈبل لیگ فارمیٹ پر کھیلے جائیں گے۔خواتین انڈر 19 ٹی ٹوئنٹی ٹورنامنٹ 15 ستمبر سے 6 اکتوبر تک کراچی میں ہوگا۔اس سال اکتوبر میں خواتین کا انٹر یونیورسٹی کرکٹ ٹورنامنٹ بھی شیڈول ہے۔
نئی کرکٹرز کو آگے لانے کیلئے مربوط پاتھ ویز پروگرام ۔ ہیڈ آف ویمنز کرکٹ پی سی بی۔
پاکستان کرکٹ بورڈ کی ہیڈ آف ویمنز کرکٹ رافیہ حیدر کے مطابق 26ـ2025ء کا شیڈول کھلاڑیوں کو کھیلنے کے اچھے مواقع دے گا، نئی کرکٹرز کو آگے لانے کیلئے پاتھ ویز پروگرام مضبوط ہو رہا ہے، انڈر 19 ٹورنامنٹ اور بنگلہ دیش کا دورہ نوجوانوں کیلئے بڑا موقع ہے، نیا سیزن اہم ہے،دو ورلڈ کپ جیسے بڑے ایونٹس سامنے ہیں،اچھے حریفوں کے خلاف کھیلنے سے کھلاڑیوں کی کارکردگی بہتر ہوگی،خواتین کرکٹ میں ڈیپارٹمنٹس کا ٹورنامنٹ شامل کرنے پر بات چیت جاری ہے۔
