بمرا کو اپنے ملک کے رافیل گرانے کا اشارہ کرنے پر لینے کے دینے پڑ گئے٬ حارث رؤف کو ٹرول کرنے کے چکر میں بھارتیوں نے الٹا اپنے فیورٹ باؤلر کی ٹرولنگ کرڈالی٬ آئی سی سی کارروائی کا بھی امکان

: محمد ندیم قیصر (ملتان)
: تفصیلات

ایشیاء کپ 2025 ء کے فائنل میچ میں پاکستان کے فاسٹ باؤلر حارث رؤف کو یارکر بال پر کلین بولڈ کرنے کے بعد بھارتی فاسٹ باؤلر بمرا اتنے جذباتی ہوئے تھے کہ انہوں نے اس وکٹ کی سیلیبریشن کرتے ہوئے اپنے ہی ملک کا رافیل طیارہ گرانے کا ٹاپ ٹرینڈنگ اشارہ کر ڈالا٫ اور پھر بنتا کو اپنے ملک کے رافیل گرانے کا اشارہ کرنے پر لینے کے دینے پڑ گئے٬ حارث رؤف کو ٹرول کرنے کے چکر میں بھارتیوں نے الٹا اپنے فیورٹ باؤلر کی ٹرولنگ کرڈالی٬ اور سابق ایک نئی مشکل بمرا کے لیے سر اٹھا رہی ہے کہ ان کی اس ایکشن کے خلاف انٹرنیشنل کرکٹ کونسل کی طرف سے بھی ایکشن لیے جانے کی صدائے بازگشت سنائی دے رہی ہے٬

آئی سی سی کارروائی کا امکان اس لیے ظاہر کیا جا رہا ہے کہ جب 21 ستمبر کو پاکستانی فاسٹ باؤلر حارث رؤف نے بھارت کے خلاف میچ کے دوران باؤنڈری لائن پر بھارتی شائقین کے انکلوژر کے سامنے کڑوے کسیلے جملے سنے تو پہلے تو خاموش رہے لیکن پھر بھارتی شائقین کا منہ بند کرنے کیلئے انہوں نے اپنے دائیں ہاتھ کے اشارہ سے پہلے بھارتی رافیل طیارے گرانے کا اشارہ کیا اور پھر ہاتھوں کی انگلیوں سے 0-6 کی تعداد بھی بتادی ۔ میچ کے اختتام پر بھارتی ٹیم منیجمنٹ نے اس معاملہ کو آئی سی سی فورم تک پہنچا دیا تھا ٬ حارث رؤف کی طلبہ پر میچ ریفری رچی رچرڈسن بھی اس اشارہ پر مبنی الزام کی کوئی مبینہ وضاحت دینے سے اس لیے قاصر رہے تھے کیونکہ انڈین کرکٹ منیجمنٹ نے بھی سوائے اشارہ کو کرکٹ کی روح کے منافی قرار دیئے جانے کے علاوہ بوجوہ اور کوئی وضاحت نہیں کی تھی٬ اور یوں حارث رؤف اس الزام کے تحت بڑی سزا جرمانہ سے محفوظ رہے لیکن رافیل گرانے والا حارث رؤف کا اشارہ سوشل میڈیا پر ٹاپ ٹرینڈ بن گیا٬ یہاں تک کہ دنیا کے مختلف ممالک میں کھیل تماشہ کے دوران نامور شخصیات کو بھی رافیل گرانے کے اشارہ کرکے انجوائے کرتے ہوئے دیکھا گیا اور ان کی وائرل ویڈیوز بھی ٹاپ ٹرینڈ رہیں۔
ایشیاء کپ 2025ء کے فائنل میں اگرچہ حارث رؤف کو بدترین باؤلنگ پرفارمنس کے باعث مسلسل تنقید کا سامنا 

لیکن اب ایشیاء کپ کے پاک بھارت فائنل میچ کو ایک ہفتہ گذرنے کے بمرا کے خلاف ان کے بھارتی شائقین کے ہاتھوں ٹرولنگ ٹرینڈ نے ٹاپ پوزیشن لے لی  ہے اور انٹرنیشنل کرکٹ کونسل کی طرف سے ایکشن لیے جانے کا امکان اس لیے ظاہر کیا گیا ہے کیونکہ آئی سی سی پہلے ہی بھارتی کرکٹ منیجمنٹ کی نشاندہی پر اس رافیل گرتے ایکشن کو مشکوک قرار دے کر حارث رؤف کی طلبی کر چکی ہے٬ اگر اب بمرا کی طلبی اور آئی سی سی کارروائی مکمل کی جاتی ہے تو پھر یہ تبصرہ بھی سوشل میڈیا پر ٹاپ ٹرینڈ بن سکتا ہے کہ مئی میں پاک فضائیہ کے ہاتھوں چھ رافیل طیارے گرائے جانے کے باعث جگ ہنسائی کا سامنا کرنا پڑا تھا تو اب
ڈیڑھ ہفتہ قبل پاکستانی باؤلر حارث رؤف کو نیچا دکھانے کیلئے بھارتی کرکٹ منیجمنٹ نے جو گڑھا کھودا تھا اب اس میں ان کا اپنا فاسٹ باؤلر بمرا گرنے کو ہے ۔