پاکستان نے آپریشن “بُنْيَانٌ مَّرْصُوْصٌ” کا آغاز کر دیا۔ بھارتی بریگیڈ ہیڈکوارٹر کے جی ٹاپ۔ ایئرفیلڈ اور میزائل سٹوریج یونٹ تباہ۔ عالمی برادری کو بھی ہوش آ گیا۔ ثالثی کی پیشکش ۔

:محمد ندیم قیصر (ملتان)

:تفصیلات

پاکستان نے آپریشن “بُنْيَانٌ مَّرْصُوْصٌ” کا آغاز کر دیاپاک فضائیہ نے بھارتی بریگیڈ ہیڈکوارٹر کے جی ٹاپ۔ ایئرفیلڈ اور میزائل سٹوریج یونٹ کو تباہ کردیا۔سیکیورٹی ذرائع کا کہنا ہے کہ پاک فضائیہ فتج ون گائیڈڈ میزائل کا استعمال کررہی ہے جو 400 کلومیٹر کی رینج پر دشمن کے ٹھکانے کو آسانی سے نشانہ بنا سکتا ہے۔پاکستان نے اڑی میں بھارت کے سپلائی ڈپو کو بھی ملیا میٹ کر دیا۔ دوسری جانب آئی ایس پی آر کے مطابق پاکستان کے تین ایئر بیس پر بھارتی میزائل حملے سے ناکام بنا دیئے گئے ہیں۔ بھارتی فوج اپنی خودساختہ جارحیت کی مسلسل ناکامی پر بوکھلاہٹ کا شکار ہو گئی اور پاکستان کے ساتھ ملنے والے افغان سرحدی حدود میں بھی میزائل داغے دیئے تاکہ پاکستان پر الزام دھرا جا سکے ۔ مصدقہ سکیورٹی ذرائع نے اس حوالے سے مزید تفصیلات کے بارے میں آگاہ کیا ہے کہ پاکستان کے پاس بھارت کے اپنے ہی علاقوں میں چھ بیلسٹک میزائل فائر کرنے کا ٹھوس ثبوت موجود ہیں۔بھارت نے چھ بیلیسٹک میزائل فائر کیے۔پانچ بیلسٹک میزائل امرتسر اور ایک آدم پور میں فائر کیا گیا۔پنجاب میں سکھوں کو نشانہ بنا کر بھارت سکھوں کے درمیان پاکستان کے خلاف نفرت پیدا کرنا چاہتا ہے۔اس سے پہلے بھی سات اور آٹھ مئی کی درمیانی شب کو بھارت نے امرتسر پر تین میزائل مارے تھے جس کا ذکر ڈی جی آئی ایس پی آر اپنی پریس کانفرنس میں دے چکے ہیں، اِسی طرح خود ہی اپنے لوگوں پر بیلسٹک میزائل گرا کر بھارت دنیا کے سامنے یہ بے بنیاد پروپیگنڈہ کرنے پر تلا ہوا ہے کہ پاکستان بھارت پر میزائل فائر کر رہا ہے تاکہ مزید جارحیت کا جواز پیدا کیا جائے۔سوشل میڈیا رپورٹس کے مطابق پاکستان کےکامیاب آپریشن بُنْيَانٌ مَّرْصُوْص کے نتیجہ میں بھارتی فضاء میں اندھیرے چھا گئے سائبر اٹیک کے ذریعے ہندوستان کے 70 فیصد بجلی کے گرڈ کو ناکارہ کر دیا گیا ہے۔

پاکستان کی ایئر بیس پر بلااشتعال حملوں کا بھرپور جواب دینے کیلئے آپریشن بنیان مرصوص شروع کرنا پڑا:آئی ایس پی آر

آپریشن بنیان مرصوص کے بارے میں پاکستان کے سکیورٹی ذرائع نے واضح کیا ہے کہ پاکستانی ایئر بیسز پر حملوں کے بعد بھارت کے خلاف جوابی کارروائی کا آغاز کر دیا گیا ہے آئی ایس پی آر کے مطابق پاک فوج نے بھارتی حملوں کے جواب میں کارروائی کا آغاز کر دیا ہے آپریشن بنیان مرصوص کے تحت پٹھان کوٹ، اودھم پور اور براہموس عسکری اہداف کو نشانہ بنایا گیا اس جوابی کارروائی سے قبل پاکستان دشمنی میں پاگل پن اور جارحیت میں مسلسل پسپائی کے شکار بھارت نے جمعہ اور ہفتہ کی درمیانی شب کو فضا سے زمین پر مار کرنے والے میزائلوں کے ذریعے راولپنڈی کے نور خان ایئر بیس، شورکوٹ ایئر بیس اور مرید ایئر بیس کو نشانہ بنانے کی کوشش کی تھی جس پر پاکستان کی حکومت اور فوج نے جوابی کارروائی کا اعلان کیا اور اس بھرپور کارروائی کو آپریشن کو بنیان مرصوص کا نام دیا۔

بھارتی جارحیت کا منہ توڑ جواب دینے کے لیے نیشنل کمانڈ اتھارٹی کا ہنگامی اجلاس طلب۔ عالمی برادری کو بھی ہوش آ گیا

پاکستان کے وزیر اعظم شہباز شریف نے بڑھتی ہوئی بھارتی جارحیت کا منہ توڑ جواب دینے کیلئے اور موجودہ کشیدہ صورتحال کے تناظر میں نیشنل کمانڈ اتھارٹی کا ہنگامی اجلاس طلب کر لیا ہے ۔مزید بتایا گیا ہے کہ اس اتھارٹی کا اہم ترین مقصد پاکستان کے جوہری اسلحے کی نگہبانی اور اسے استعمال کرنے کے حوالے سے لائحہ عمل طے کرنا ہے۔پاکستان ایئرپورٹس اتھارٹی کے مطابق پاکستان کی فضائی حدود میں ناگزیر حالات کے پیش نظر مخصوص اوقات 12 بجے تک ہر طرح کی پروازیں بند رکھنے کا بھی فیصلہ کیا گیا ہے۔بھارتی جارحیت کے پیش نظر اینٹ کا جواب پتھر سے دینے پر جوابی بھرپور حملوں نے نیوٹرل نیوٹرل کی مالا جپنے والی عالمی برادری کے بھی ہوش ٹھکانے آ گئے ہیں اور انہیں ڈرون حملوں سے میزائل وار میں تبدیل ہوتے ہوئی کشیدگی کو ٹھنڈا کرنے کیلئے اپنا کلیدی کردار ادا کرنے کا احساس دلا دیا ہے۔عالمی رہنماؤں نے دونوں ممالک سے تحمل کا مظاہرہ کرنے اور تناؤ میں کمی لانے کا اپیل کر دی ہے۔ عالمی قیادت کا مؤقف ہے کہ بھارتی جارحیت اور پاکستان کی بھرپور جوابی کارروائی پوری دنیا کی سلامتی کیلئے خطرہ بن رہی ہے اور یہ کشیدہ صورتحال پریشان کن ہے۔دوسری جانب عالمی سیاست پر گہری نظر رکھنے والے ماہرین کو یہ فکر کھائے جارہی ہے کہ اگر بھارتی پاگل پن کے نتیجہ میں اگر موجودہ کشیدہ صورتحال ایٹمی ہتھیاروں کی جنگ میں تبدیل ہو گئی تو یہ صرف برصغیر۔ جنوبی ایشیاء کیلئے نہیں بلکہ اس کے مہلک اثرات کرہ ارض کو اپنی لپیٹ میں لے سکتے ہیں اور بدترین بائیو لاجیکل اثرات آنیوالی نسلوں کو بھی اٹھانا پڑیں گے۔ دوسری جانب پاکستان کے حقائق پر مبنی اس مؤقف کو بھی دنیا سنجیدگی سے لے رہی ہے کہ یہ بلا اشتعال بھارتی جارحیت کا میزائل حملوں کا جواب ہے، جن میں سے ایک دارالحکومت اسلام آباد کے قریب کیا گیا تھا۔

امریکی سیکرٹری خارجہ مارکو روبیو کا پاک آرمی کے سربراہ جنرل عاصم منیر کو فون۔ ثالثی کی پیشکش ۔

امریکی محکمہ خارجہ کے مطابق ہفتے کے روز امریکی سیکرٹری خارجہ مارکو روبیو نے پاکستان کے آرمی چیف جنرل عاصم منیر سے بات کرتے ہوئے تنازع کم کرنے کے لیے ثالثی کی پیشکش کی۔ عسکری اور سیاسی تجزیہ نگاروں کا کہنا ہے کہ امریکی وزارت خارجہ کا پاکستان کی عسکری قیادت سے ٹیلیفونک رابطہ ایسے حالات میں کیا گیا ہے کہ جب پاکستان نے بھارتی خود ساختہ جارحیت کا منہ توڑ جواب دینے کیلئے بھارت کے فوجی اثاثہ جات کو نشانہ بنانے کیلئے اپنے خصوصی آپریشن بنیان مرصوص کا آغاز کیا ہے۔امریکی محکمہ خارجہ ترجمان ٹیمی بروس نے بھی تصدیق کی ہے کہ امریکہ کے سیکرٹری خارجہ مارکو روبیو نے پاکستان کے آرمی چیف جنرل عاصم منیر سے رابطہ کیا اور بھارت کے ساتھ حالات کو نارمل کرنے کی خواہش ظاہر کی اور یہ پیشکش بھی کی کہ امریکہ دونوں ممالک کے درمیان تنازعات کے حل کیلئے ثالثی کروانے کیلئے بھی تیار ہے ۔

آپریشن بنیان مرصوص کا ہدف وہ بھارتی فضائی اڈے جہاں سے پاکستان پر میزائل حملہ کیا گیا۔ 32 بھارتی ایئر پورٹس پر ایمرجنسی ۔ پروازیں معطل

پاکستان کے تازہ ترین آپریشن بنیان مرصوص نے عالمی عسکری ماہرین کی آنکھیں کھول دی ہیں کہ اس کا ہدف ایسے بھارتی فضائی اڈوں کو بنایا جارہا ہے کہ جہاں سے پاکستان کی طرف میزائل فائر کیے گئے ہیں مستقبل کی جوابی عسکری حکمت عملی طے کرنے کیلئے پاکستان کی نیشنل کمانڈ اتھارٹی کا اجلاس بھی ہنگامی بنیاد پر طلب کیا گیا ہے۔ عالمی عسکری دفاعی ماہرین پاکستان کے بنیان مرصوص مشن کو آنکھ کے بدلے آنکھ فارمولہ کے تحت جوابی کارروائی کے طور پر لے رہے ہیں۔ آئی ایس پی آر نے یہ بھی واضح کردیا ہے کہ بھارت کے خلاف جوابی کارروائی جاری ہے اور ان تمام فضائی اڈوں کو نشانہ بنایا جائے گا جہاں سے بھارت نے پاکستان پر فضاء سے زمین تک مار کرنیوالے میزائل سے حملہ کی غلطی کی تھی۔پاکستان کے وزیراعظم شہباز شریف نے نیشنل کمانڈ اتھارٹی کا اجلاس بلایا ہے اور این سی اے کا اہم ترین مقصد پاکستان کے جوہری اسلحے کی نگہبانی اور اسے استعمال کرنے کے حوالے سے کیے جانے والے فیصلوں کے لیے ہے۔دریں اثناء بھارتی ایئر پورٹس پر ایمرجنسی نافذ کردی گئی ہے اور 32 ایئرپورٹ سے پروازیں معطل کرتے ہوئے باقاعدہ طور پر بند کردیا گیا ہے۔بھارتی وزارت سول ایوی ایشن نے اعتراف کیا ہے کہ خطہ میں کشیدگی کے باع بھارت کے شمالی اور مغربی حصے میں 32 ایئرپورٹس کو بند کر دیا گیا ہے۔ایک بیان کے مطابق انڈین وزارت سول ایوی ایشن نے نوٹم جاری کرتے ہوئے تمام سول فلائٹ آپریشن ان ایئرپورٹس پر بند کر دیئے ہیں۔اس بیان کے مطابق نوٹسز ٹو ایئرمین کا اطلاق ہوتے ہی 32 ایئرپورٹس پر آپریشن معطل کیے گئے ہیں۔