جمعرات، 13 نومبر 2025ء
📍 اسلام آباد
⸻
حکومت نے 27ویں آئینی ترمیم کے نئے مسودے کو آج سینیٹ سے منظوری کے لیے پیش کرنے کی تیاری مکمل کر لی ہے۔
ذرائع کے مطابق، سینیٹ کا اجلاس آج طلب کیا گیا ہے جس میں یہ بل باقاعدہ منظوری کے لیے پیش ہوگا، جبکہ وفاقی کابینہ کا اجلاس بھی آج دوپہر ہوگا جس میں آئینی ترامیم کی روشنی میں قوانین میں تبدیلیوں کی منظوری دی جائے گی۔
گزشتہ شب قومی اسمبلی نے 27ویں آئینی ترمیمی بل کو دو تہائی اکثریت سے منظور کیا۔ ایوان میں کل 59 شقوں پر شق وار ووٹنگ ہوئی، اور تمام شقیں دو تہائی اکثریت سے منظور کی گئیں۔ حکومت کو منظوری کے لیے درکار 224 ووٹ کے مقابلے میں 234 ارکان نے ترمیم کی حمایت کی۔
دوسری جانب، جے یو آئی (ف) نے بل کی مخالفت کی جبکہ اپوزیشن جماعتوں نے بل کی کاپیاں پھاڑ کر سپیکر ڈائس کے سامنے احتجاج کیا اور اجلاس کا بائیکاٹ کیا۔
قومی اسمبلی میں بل کی منظوری کے دوران 8 نئی ترامیم بھی شامل کی گئیں جنہیں وفاقی وزیرِ قانون اعظم نذیر تارڑ نے پیش کیا۔
اہم ترین تبدیلی آرٹیکل 6 (سنگین غداری) میں کی گئی، جس کے مطابق:
• کلاز 2 میں ترمیم کے بعد سنگین غداری کا کوئی بھی عمل کسی عدالت کے ذریعے جائز قرار نہیں دیا جا سکے گا۔
• “ہائی کورٹ” اور “سپریم کورٹ” کے ساتھ “آئینی عدالت” کے الفاظ کا اضافہ کیا گیا ہے۔
اس کے علاوہ، چیف جسٹس پاکستان کے عہدے سے متعلق شق میں بھی ترمیم کی گئی ہے، جس کے تحت موجودہ چیف جسٹس اپنی مدت پوری ہونے تک چیف جسٹس پاکستان کہلائیں گے، تاہم اس کے بعد یہ عہدہ سپریم کورٹ اور وفاقی آئینی عدالت کے سینئر ترین جج کو تفویض کیا جائے گا
ترمیمی بل کی منظوری کے بعد اب یہ مسودہ سینیٹ میں پیش ہوگا، جہاں منظوری کے بعد اسے آئینی عمل کے تحت نافذ کیا جائے گا۔
ذرائع کے مطابق، وفاقی حکومت کی کوشش ہے کہ بل کو آج ہی ایوانِ بالا سے بھی منظور کرا لیا جائے تاکہ اس پر جلد از جلد عمل درآمد کیا
• 27ویں آئینی ترمیم کا نیا متن آج سینیٹ میں پیش ہوگا۔
• قومی اسمبلی نے گزشتہ شب بل کو دو تہائی اکثریت سے منظور کیا۔
• آرٹیکل 6 اور چیف جسٹس کے عہدے سے متعلق شقوں میں اہم تبدیلیاں کی گئی ہیں۔
• اپوزیشن جماعتوں نے بل کی مخالفت کرتے ہوئے ایوان سے واک آؤٹ کیا۔
• وفاقی کابینہ آج قوانین میں ترامیم کی منظوری دے گی۔
