وزیراعظم یوتھ پروگرام پنجاب سیکرٹریٹ کے وفد کا ویمن یونیورسٹی ملتان کا دورہ ۔مختلف پروگراموں بارے بریفنگ۔ طالبات کی خصوصی دلچسپی

:سدرہ فاروق (ملتان )

:تفصیلات

وزیراعظم یوتھ پروگرام پنجاب سیکرٹریٹ کے وفد نے ویمن یونیورسٹی کادورہ کیا جس کی قیادت فوکل پرسن فہد شہباز کررہے تھے ترجمان کے مطابق پرائم منسٹر یوتھ پروگرام پنجاب سیکرٹریٹ کے وفد نےویمن یونیورسٹی کا دورہ کیااور پرووائس چانسلر ڈاکٹر کلثوم پراچہ سے ملاقات کی انہیں اپنے پروگرامز کے بارے میں بتایا بعد ازاں ایک خصوصی تقریب جناح ہال میں منعقد ہوئی جس کے مہمان خصوصی فہد شہباز (فوکل پرسن پنجاب) تھے کامران شکور (ممبرنیشنل یوتھ کونسل )بھی موجود تھے۔ تقریب سے خطاب کرتے ہوئے صدر وزیراعظم یوتھ گرین کلب عمائمہ حسن نے کلب کے وژن، مشن اور اہم سرگرمیوں پر روشنی ڈالی . ڈائریکٹر بزنس انکیوبیشن سینٹر ڈاکٹر عاصمہ اکبر نے مختلف اداروں اور صنعتوں کے ساتھ طالبات کی تربیت کے مختلف منصوبوں کے بارے میں بتایا کامران شکور نے پرائم منسٹر نیشنل یوتھ کونسل کے حوالے سے طالبات کو آگاہ کیا۔ تقریب سے خطاب کرتے ہوئے فہد شہباز نے پرائم منسٹر یوتھ انیشیٹوز کے حوالے سے طالبات کو آگاہ کیا ان کاکہنا تھا کہ پرائم منسٹر یوتھ بزنس اینڈ ایگریکلچر لون سکیم آسان شرائط پر کاروباری قرضے فراہم کر کے نوجوانوں میں انٹرپرینیورشپ کو فروغ دیتا ہے۔نوجوان کاروباریوں کو کاروبار شروع کرنے یا بڑھانے کے لیے مالی مدد فراہم کرتے ہیں سازگار شرح سود اور ادائیگی کی شرائط کے ساتھ قرضے بھی فراہم کیا جاتا ہے انہوں نے بتایا کہ پرائم منسٹر لیپ ٹاپ اسکیم کے تحت 6 لاکھ لیپ ٹاپ تقسیم کیے جاچکے ہیں اور اس کا دوسرا مرحلہ شروع ہو چکا ہے ۔ انہوں نے مزید کہا کہ دیہی علاقوں میں اقتصادی ترقی کو فروغ دینے زرعی منصوبوں اور کاروباروں کی سپورٹ کی جاتی ہےان کی درخواستیں ڈیجیٹل یوتھ ہب پلیٹ فارم کے ذریعے جمع کرائی جا سکتی ہیں ہمارا مقصد نوجوانوں کو کاروباری بننے اور ملازمتیں پیدا کرنے کے لیے بااختیار بنانا ہے اقتصادی ترقی کو فروغ دینا ہے جبکہ نوجوانوں کو اپنے کاروباری خیالات کو آگے بڑھانے کے مواقع فراہم کرناہے تاکےملک ترقی کرسکے انہوں نے کہا کہ نیشنل انوویشن ایوارڈ کا مقصد گریجویٹز کو ضروری مہارتوں سے آراستہ کرنا تاکہ کاروبار کی دنیا میں سبقت حاصل کر سکیں۔

وزیراعظم یوتھ پروگرام نے متوسط طبقہ کی طالبات کو امید کی نئی کرن

 اس موقع پر ڈاکٹر کلثوم پراچہ کا کہنا تھا کہ ویمن یونیورسٹی انٹرپرینوبرز کی حوصلہ افزائی کرتی ہے ہماری طالبات ملکی ترقی میں بھرپور کردار ادا کررہی ہیں وزیرا عظم یوتھ پروگرام طالبات کو آگے بڑھے کےلئے مواقع فراہم کرتا ہے ہماری طالبات اس سے مستفید ہورہی ہیں وومن یونیورسٹی کی رجسٹرار ڈاکٹر ملکہ رانی کا کہنا تھا کہ وزیراعظم یوتھ پروگرام کے تحت طالبات کی مدد کے لیے بہت سارے انیشیٹو لیے جا چکے ہیں اس میں لیپ ٹاپ سکیم قرض حسنہ جیسی سہولیات شامل ہیں ویمن یونیورسٹی اپنی طالبات کو سکالرشپ کے ساتھ ساتھ ایسے مواقع بھی فراہم کر رہی ہے جہاں وہ اپنے کاروبار کا اغاز کر سکے اور اپنے ائیڈیاز کو دنیا کے مطابق فلوٹ کر سکیں حکومت کے تعاون سے مستقبل قریب میں بھی وومن یونیورسٹی ایسے اقدامات کرتے رہے گی ڈائریکٹر سٹوڈنٹس افیئرز / فوکل پرسن یوتھ پروگرام ڈاکٹر عدیلہ سعید کا کہنا تھا کہ وزیراعظم یوتھ پروگرام نے متوسط طبقہ کی طالبات کو امید کی نئی کرن دکھائی ہے ایسی طالبات جو اچھے کاروباری ائیڈیاز رکھتی تھیں اور جنہیں یہ مواقع نہیں ملتے تھے کہ وہ اپنے ائیڈیاز کو عملی شکل دے سکیں وزیراعظم کے اس پروگرام کے تحت انہیں یہ پلیٹ فارم میسر ا گیا ہے کہ وہ اپنے ائیڈیاز کو کاروباری سطح پر لا کر دنیا کے سامنے پیش کر سکیں طالبات کو ایسے پلیٹ فارم میسر انے سے ملک ترقی کی طرف گامزن ہوگا تقریب کے اختتام پر طالبات نے سوالات و جوابات کا سیشن کیا آخر میں مہمان خصوصی فہد شہباز نے طالبات میں سرٹیفکیٹ تقسیم کیے اس موقع پر منسٹر فہد شہباز نے یوتھ ڈویلپمنٹ سینٹر کا دورہ کیا۔