Admin
:محمد ندیم قیصر (ملتان)
:تفصیلات
کراچی-چمن قومی شاہراہ این 25 کی تعمیر اور اپ گریڈیشن پر اہم فیصلے کیے گئے ہیں جس کے مطابق790 کلومیٹر طویل کراچی-چمن شاہراہ کو بہترین معیار کی ایکسپریس وے میں تبدیل کر دیا جائے گاسڑک کی تعمیر کا معیار موٹر وے جیسا فریم ورک بنایا جائے گا ۔دو سال میں تعمیر مکمل کرنے کا ہدف مقرر کیا گیا ہے۔ایکسپریس وے کی تعمیر سے کراچی تا چمن فاصلے کا سفر 6 سے 8 گھنٹے تک کم ہو جائے گا۔سرکاری رپورٹ کے مطابق
کراچی-چمن شاہراہ کی اپ گریڈیشن صوبہ بلوچستان کی سماجی اور معاشی ترقی و خوشحالی کے لئے انتہائی ناگزیر قرار دیتے ہوئے مزید کہا گیا ہے کہ بلوچستان کی ترقی کو ترجیح بناتے ہوئے پچھلے ماہ پیٹرولیم مصنوعات میں کمی کا فائدہ عوام کو منتقل کرنے کی بجائے اس بچت کو کراچی-چمن شاہراہ کی اپ گریڈیشن پر صرف کرنے کا فیصلہ کیا گیا۔ رپورٹ کے مطابق پاکستان کے تمام صوبوں نے تعاون کیا جو وفاق کے اتحاد کی نشانی ہے کراچی تا چمن سفر کا، جو کہ اب 18 گھنٹے میں طے ہوتا ہے، اس ایکسپریس وے کی تعمیر کے بعد 6 سے 8 گھنٹے تک کم ہو جائے گا۔کراچی -چمن ایکسپریس وے سے نا صرف مسافر مستفید ہوں گے بلکہ ٹرانسپورٹ اور تجارت پر بھی مثبت اثرات مرتب ہوں گے ۔ رپورٹ میں واضح کیا گیا ہے کہ منصوبے کے معیار پر کوئی سمجھوتہ نہیں ہوگا اور اس حوالے سے کوئی کوتاہی برداشت نہیں کی جائے گی۔ ایکسپریس وے کو 2 سال کی مدت میں ہر حال میں مکمل کرنے کا ہدف مقرر کیا گیا ہے۔
ایکسپریس وے پراجیکٹ کیلئے بلوچستان حکومت کو مطلوبہ اراضی کی دستیابی کو یقینی بنانے کی ہدایت۔
وفاق کی طرف بلوچستان حکومت کو ہدایت کی گئی ہے کہ وہ ایکسپریس وے پراجیکٹ کے لئے مطلوبہ اراضی کی دستیابی کو یقینی بنانے کے لئے متعلقہ محکموں سے تعاون کرے۔عوام کی سہولت کے لئے ایکسپریس وے پر آنے والے تمام بڑے شہروں پر بائی پاسز تعمیر کئے جائیں گے۔وزیر اعظم کی منصوبے کی تعمیر کے دوران ماحولیاتی عنصر کو مدنظر رکھنے پر بھی زور دیا گیا ہے۔ایکسپریس وے پراجیکٹ مکمل ہونے پر وفاق نے کی منصوبے کی تعمیر کے بعد تھرڈ پارٹی ویلیڈیشن کروانے کا بھی فیصلہ کیا ہے۔بلوچستان حکومت کی طرف سے صوبہ بلوچستان کی تعمیر و ترقی خصوصاً کراچی -چمن شاہراہ کی تعمیر اور اپ گریڈیشن میں خصوصی دلچسپی لینے پر وفاق سے اظہار تشکر کیا گیا ہے۔
پٹرولیم مصنوعات نرخ میں کمی کے ثمرات ۔ایکسپریس وے این 25 کی فور لین دوریہ تعمیر کا اغاز۔ پراجیکٹ بارے بریفنگ رپورٹ۔
بریفنگ رپورٹ میں کہا گیا ہے کہ پٹرولیم مصنوعات نرخ میں کمی کے ثمرات کی بدولت ایکسپریس وے این 25 کی فور لین دوریہ تعمیر کا اغاز ممکن ہو سکا ہے۔ رپورٹ میں مزید کہا گیا ہے کہ 790 کلومیٹر طویل کراچی-چمن شاہراہ کو ایکسپریس وے کے طور پر تعمیر کیا جائے گا جو کہ 4 لین پر مشتمل دو رویہ سڑک ہوگی شاہراہ پراجیکٹ فنڈنگ کی کمی کے باعث کام تعطل کا شکار تھا. وفاقی حکومت کی طرف سے پیٹرولیم مصنوعات کی کمی کا فائدہ بلوچستان کی جانب منتقل کرنے کے فیصلے کی وجہ سے فنڈنگ کے مسائل حل ہو گئے ہیں ۔بریفنگ رپورٹ کے مطابق منصوبے کے سلسلےمیں خضدار-مستونگ سیکشن پر کام کا آغاز کر دیاگیا ہے کراچی تا خضدار کے پانچ سیکشنز کی تعمیر کے حوالے سے حکمت عملی بنائی جا رہی ہے۔
کراچی-چمن قومی شاہراہ این 25 کی تعمیر اور اپ گریڈیشن پر اہم جائزہ اجلاس۔ وزیر اعظم محمد شہباز شریف کا خطاب۔
کراچی-چمن قومی شاہراہ این 25 کی تعمیر اور اپ گریڈیشن پر اہم جائزہ اجلاس اسلام آباد میں منعقد کیا گیا وزیر اعظم محمد شہباز شریف نے اجلاس سے خطاب کرتے ہوئے ہدایت کی سڑک کی تعمیر کا معیار موٹر وے جیسا ہونا چاہئے۔ وزیراعظم نے کہا کہ کراچی-چمن شاہراہ کی اپ گریڈیشن صوبہ بلوچستان کی سماجی اور معاشی ترقی و خوشحالی کے لئے انتہائی ضروری ہے ؛ بلوچستان کی ترقی کو ترجیح بناتے ہوئے پچھلے ماہ پیٹرولیم مصنوعات میں کمی کا فائدہ عوام کو منتقل کرنے کی بجائے اس بچت کو کراچی-چمن شاہراہ کی اپ گریڈیشن پر صرف کرنے کا فیصلہ کیا گیا ۔ اس فیصلے میں پاکستان کے تمام صوبوں نے تعاون کیا، جو وفاق کے اتحاد کی نشانی ہے۔ انہوں نے مزید کہا کہ کراچی تا چمن سفر کا، جو کہ اب 18 گھنٹے میں طے ہوتا ہے، اس ایکسپریس وے کی تعمیر کے بعد 6 سے 8 گھنٹے تک کم ہوجائے گا؛ کراچی -چمن ایکسپریس وے سے نا صرف مسافر مستفید ہوں گے بلکہ ٹرانسپورٹ اور تجارت پر بھی مثبت اثرات مرتب ہوں گے ؛ منصوبے کے معیار پر کوئی سمجھوتہ نہیں کیا جائے گا اور نہ ہی کوئی کوتاہی برداشت نہیں کی جائے گی۔ وزیراعظم نے ہدایت کی کہ اس ایکسپریس وے کو 2 سال کی مدت میں ہر حال میں مکمل کیا جائے ۔ وزیراعظم نے وزیر اعلیٰ بلوچستان کو ایکسپریس وے کے لئے زمین کی دستیابی یقینی بنانے کے لئے متعلقہ محکموں سے تعاون کی ہدایت کرتے ہوئے مزید کہا کہا کہ عوام کی سہولت کے لئےایکسپریس وے پر آنے والے تمام بڑے شہروں پر بائی پاسز تعمیر کئے جائیں ۔ منصوبے کی تعمیر کے دوران ماحولیاتی عنصر کو مدنظر رکھنے کی بھی ہدایت کی ۔ انہوں نے منصوبے کی تعمیر کے بعد تھرڈ پارٹی ویلیڈیشن کی ہدایت کی۔ انہوں نے کہا کہ کراچی تا خضدار کے پانچ سیکشنز کی تعمیر کے حوالے سے حکمت عملی بنائی جا رہی ہے۔ اجلاس میں نائب وزیراعظم و وزیر خارجہ اسحاق ڈار ، گورنر بلوچستان جعفر خان مندوخیل، وفاقی وزیر اقتصادی امور احد خان چیمہ اور متعلقہ اعلیٰ سرکاری افسران نے شرکت کی۔ وفاقی وزیر برائے مواصلات عبد العلیم خان اور وزیر اعلیٰ بلوچستان سرفراز بگٹی اجلاس میں بذریعہ وڈیو لنک شریک ہوئے۔
