Admin
: محمد ندیم قیصر (ملتان)
: تفصیلات
فیڈرل بورڈ آف ریونیو میں مجوزہ اصلاحات :جی ڈی پی میں ٹیکس کلیکشن کے تناسب میں اضافہ قابل اطمینان قرار دیا گیا ہے۔اسلام آباد میں وزیر اعظم محمد شہباز شریف کی زیر صدارت اہم اجلاس کی بریفنگ رپورٹ کے مطابق وفاقی حکومت کی طرف سے فیڈرل بورڈ اف ریونیو (ایف بی آر )میں کی گئی اصلاحات کے نتیجے میں جی ڈی پی میں ٹیکس کلیکشن کے تناسب میں اضافہ حکومت کے لیے قابل اطمینان قرار دیا گیا ہے ۔وزیر اعظم نے اجلاس سے خطاب میں واضح کیا کہ وہ بذات خود حکام کی طرف سے لیے گئے اصلاحاتی اقدامات کی مکمل حمایت اور تحفظ کریں گے۔ اصلاحات کی راہ میں سرخ فیتے اور اداراجاتی رکاوٹیں ختم کر کے اصلاحات کے مستقل نفاذ کو یقینی بنایا جائے گا۔
کسٹم کلیئرنس میں انقلابی اصلاحات کی ملک بھر میں یکساں اور مؤثر نفاذ کا ٹاسک بھی طے کیا گیا۔ جس کے مطابق کسٹم کلیرنس کے اصلاحاتی ایجنڈا میں ٹیکنالوجی کے استعمال سے اداراجاتی کاروائیوں میں درکار وقت کو کم سے کم کیا جائے گا۔ایف بی ار اصلاحات کے نتیجے میں ٹیکس کلیکشن کے ثمرات کو ائندہ مالی سال میں برقرار رکھنے کے لیے وفاق اور صوبے باہمی ہم آہنگی اور مربوط حکمت عملی سے کام کرنے پر زور دیا گیا۔ آئندہ مالی سال میں پہلے سے عائد کردہ ٹیکسز کا موثر اور عمدہ نفاذ ٹیکس کلیکشن کو مزید بڑھانے میں کلیدی کردار ادا کرے گا۔
جی ڈی پی میں ٹیکس کلیکشن کے تناسب میں اضافہ کیلئے ایف بی ار، متعلقہ وفاقی ادارے اور صوبوں کی مشاورت ناگزیر قرار۔
ایف بی آر کے اہم اجلاس میں جی ڈی پی میں ٹیکس کلیکشن کے تناسب میں اضافہ کیلئے ایف بی ار، متعلقہ وفاقی ادارے اور صوبوں کی مشاورت سے سٹریٹجی بنانے کو ناگزیر قرار دیا گیا۔ایف بی ار کے آئندہ مالی سال کے ٹیکس کلیکشن اور دیگر اصلاحاتی اہداف کے منظور شدہ مقررہ وقت میں کوئی تبدیلی نہیں کی جائے گی۔
انکم ٹیکس گوشوارے جمع کروانےکے فارم کو ان لائن اردو میں مرتب۔
فیڈرل بورڈ آف ریونیو اور کسٹم کلیئرنس کے اصلاحاتی نظام سے عوامی آگاہی کے لیے دونوں ادارے وزارت اطلاعات و نشریات کے تعاون سے اپنی استعداد کار کو بڑھانے کی ہدایت بھی کی گئی۔ انکم ٹیکس گوشوارے جمع کروانےکے فارم کو ان لائن اردو میں مرتب کر دیا گیا۔
بریفنگ میں مزید بتایا گیا ہے کہ انکم ٹیکس گوشواروں کے آن لائن فارم کو آسان فہم کرنے اور اردو زبان میں لاگو کرنے سے تقریبا 84 فیصد فائلرز مستفید ہونگے۔ایف بی ار نے نئی مالی سال کے پہلے ماہ جولائی میں اپنا ٹیکس وصولی کا ہدف پورا کیا ہے اور ائندہ مہینوں میں بھی مکمل ہدف حاصل کرنے کی توقع ہے۔ ملک بھر میں کسٹم کلیرنس کے لیے ڈیجیٹل انفورسمنٹ سٹیشنز کا قیام ترجیحی بنیادوں پر جاری ہے۔ کسٹم کلیرنس میں سینٹرلائزڈ اسیسمنٹ یونٹ اور فیس لیس کسٹم سسٹم کے مکمل نفاذ سے کسٹم کلیئرنس کے نظام کو مستعد اور شفاف بنانے میں مدد ملے گی۔فیڈرل بورڈ آف ریونیو اور کسٹم کلیرنس میں اصلاحات کے نفاذ کے لیے پالیسی فریم ورک،حکمت عملی میں تبدیلی اور مختلف شعبوں میں اقدامات مقررکردہ ٹارگٹ کے مطابق جا ری ہیں ۔
اجلاس میں وفاقی وزیر اکنامک افیئرز ڈویژن احد خان چیمہ، وفاقی وزیر اطلاعات و نشریات عطاء اللہ تارڑ، وفاقی وزیر قانون اعظم نذیر تارڑ، وفاقی وزیر برائے پٹرولیم علی پرویز ملک، وزیر مملکت برائے فانئنس بلال اظہر کیانی، اٹارنی جنرل آف پاکستان، چیئرمین ایف بی ار سمیت متعلقہ سرکاری افسران اور عہدے داران نے شرکت کی۔
