وزیر اعلیٰ پنجاب اور امریکی قونصلیٹ کی خیر سگالی ملاقات ٬ باہمی دلچسپی کے امور، تجارتی تعلقات،توانائی تعاون، ٹیکنالوجی، زراعت اور تعلیمی وفود کے پیشہ وارانہ دوروں بارے بھی تفصیلی تبادلہ خیال

: محمد ندیم قیصر (ملتان)

: تفصیلات

وزیر اعلیٰ پنجاب مریم نواز شریف سے لاہورمیں تعینات ہونے والے امریکہ کے نئے قونصل جنرل سٹیٹسن سینڈرز نے ملاقات کی۔وزیر اعلیٰ مریم نواز شریف نے سٹیٹسن سینڈرز کو لاہور آمد پر خوش آمدید کہا اور قونصل جنرل کا منصب سنبھالنے پر دلی مبارکباد دی۔ اس موقع پرباہمی دلچسپی کے امور، تجارتی تعلقات،توانائی تعاون، ٹیکنالوجی، زراعت اور تعلیمی وفود کے پیشہ وارانہ دوروں بارے بھی تفصیلی تبادلہ خیال کیا گیا۔
وزیراعلیٰ مریم نواز شریف نے امریکی صدر ڈونلڈ ٹرمپ کی جانب سے پاکستان اور بھارت کے درمیان ثالثی کی کوششوں کو سراہا۔انہوں نے مزید کہا کہ اسٹیٹسن سینڈرز کی تعیناتی ایسے وقت میں ہوئی ہے کہ جب پاکستان اور امریکہ کے تعلقات میں مثبت پیش رفت دیکھنے میں آ رہی ہے-

وزیر اعلیٰ پنجاب کا پاک امریکہ دیرینہ تعلقات کا خصوصی تذکرہ

وزیر اعلیٰ پنجاب مریم نواز نے دونوں ممالک کے درمیان دیرینہ تعلقات کا خصوصی تذکرہ کرتے ہوئے کہا کہ پاک امریکہ تعلقات کئی دہائیوں پر محیط ٬قابلِ اعتماد، مستحکم اور دور رس شراکت داری کی بنیاد پر قائم ہیں -عوامی رابطوں، تجارتی تعاون اور مشترکہ مفادات نے پاک امریکہ پارٹنرشپ کو مزید مضبوط کیا ہے۔انہوں نے کہا کہ 2024ء میں پاکستان اور امریکہ کے درمیان تجارتی حجم میں اضافہ خوش آئند امرہے۔ انہوں نے مزید کہا کہ امریکہ پاکستان کا سب سے بڑا تجارتی شراکت دار اور قابلِ اعتماد اقتصادی پارٹنر ہے-پاکستانی نژاد امریکی برادری دونوں ممالک کے درمیان عوامی روابط کی ایک مضبوط کڑی ہے۔مریم نواز امریکن قونصلیٹ کو بتایا کہ وہ اپریل 2025ء میں امریکی کانگریشنل پاکستان کاکس سے بھی ملاقات کر چکی ہوں

امریکی قونصلیٹ کوصوبہ پنجاب کے فلاحی و ترقیاتی منصوبوں بارے آگاہی دی گئی ۔

امریکی قونصلیٹ کوصوبہ پنجاب کے فلاحی و ترقیاتی منصوبوں بارے آگاہی دی گئی ۔پنجاب کی پہلی خاتون وزیر اعلیٰ نے صوبہ پنجاب کے فلاحی و ترقیاتی منصوبوں بارے بتایا کہ پنجاب میں ہر سال 20 ہزار سے زائد آئی ٹی گریجویٹس فارغ تحصیل ہو رہے ہیں -پنجاب پاکستان کی زرعی ریڑھ کی ہڈی ہے-
پنجاب حکومت واٹر ایفیشنٹ فارمنگ، پریسیژن ایگریکلچر، اور کولڈ چین انفرااسٹرکچر کی ترقی کو ترجیح دے رہی ہے-امریکی ایگریکلچر ٹیکنالوجی کمپنیاں پنجاب میں سرمایہ کاری کے بے شمار مواقع سے فائدہ اٹھا سکتی ہیں۔ پاکستان اور امریکہ کا تعلق ایک آزمودہ، بااعتماد اور پائیدار شراکت داری کی مثال ہے- پاک امریکہ تعلق کو ایک جامع، اسٹریٹجک اور عوامی مفاد پر مبنی پارٹنرشپ میں تبدیل کرنے کے لیے پُرعزم ہیں۔پنجاب میں جدید ترین ٹیکنالوجی سے لیس نئی الیکٹرک ٹرین متعارف کرائی جا رہی ہے۔پنجاب میں اپنی چھت اپنا گھر کے تحت چند ماہ کے قلیل عرصے میں پبلک سیکٹر ہاؤسنگ میں قابل تقلید مثال قا ئم کی ہے۔