: محمد ندیم قیصر (ملتان)
: تفصیلات
پاکستان میں آبادی بڑھنے کی سالانہ شرح 2.55 فیصد تک پہنچ گئی۔وزیر اعظم محمد شہباز شریف کی زیر صدارت خصوصی اجلاس میں مزید بتایا گیا کہ تیزی سے بڑھتی ہوئی آبادی کی ترقی اور انکو اپنی معیشت کا فعال حصہ بنانے کے لئے منصوبہ بندی کی ضرورت ہے،ملکی آبادی کا بڑا حصہ نوجوانوں پر مشتمل ہے اور
نوجوان ہمارے ملک کا قیمتی اثاثہ ہیں،نوجوانوں کو ملکی معیشت کی ترقی کے لیے کردار ادا کرنے کے مواقع فراہم کرنے کے لیے متعدد اقدامات لیے جا رہے ہیں،اجلاس میں کہا گیا کہ خواتین ہماری افرادی قوت کا بہت بڑا حصہ ہیں، خواتین کو ملازمت کے زیادہ سے زیادہ مواقع فراہم کرنے کے لیے اقدامات لیے جائیں، بڑھتی ہوئی آبادی اور ان کے مسائل سے نمٹنے کے لیے صوبوں کے تعاون سے مؤثر حکمت عملی تشکیل دی جائے، اس حوالے سے قومی سطح کی پالیسی وقت کی اہم ضرورت ہے۔
آبادی بڑھنے کی شرح کو کم کرنے کیلئے مؤثر پالیسی اور حکمت عملی بنانے کے لیے کمیٹی تشکیل دینے بارے اتفاق
اجلاس میں آبادی بڑھنے کی شرح کو کنٹرول اور کم کرنے کیلئے مؤثر پالیسی اور حکمت عملی بنانے کے لیے کمیٹی تشکیل دینے سے اتفاق کیا گیا ۔اجلاس میں اس حوالے مختلف سفارشات بھی پیش کی گئیں کہ صوبوں کے تعاون سے بڑھتی ہوئی آبادی اور اسکے مسائل پر قابو پانے کے لیے ایک قومی سطح کی پالیسی کی ضرورت ہے، معاشی ترقی کے تناظر میں بڑھتی ہوئی آبادی کے لیے عوام میں قومی سطح پر آگاہی مہم چلانا ناگزیر ہے،
اجلاس میں وفاقی وزیر منصوبہ بندی و ترقی ڈاکٹر احسن اقبال، وفاقی وزیر تعلیم ڈاکٹر خالد مقبول صدیقی، وفاقی وزیر اطلاعات و نشریات عطا اللہ تارڑ، وفاقی وزیر مذہبی امور سردار محمد یوسف، وفاقی وزیر قانون اعظم نذیر تارڑ اور متعلقہ اداروں کے اعلیٰ حکام بھی شریک تھے۔
