: محمد ندیم قیصر (ملتان)
: تفصیلات
مین سٹریم ایسوسی اییشن افراد باہم معذوری ، ہینڈ مین سٹریم انڈیپینڈنٹ لیونگ سینٹر کے زیر اہتمام ڈس ایبل ویلفیئر ایسوسی اییشن کراچی کے تعاون افراد باہم معذوری میں امریکن ویل چیئرز تقسیم کرنے کی تقریب منعقد ہوئی، تقریب کے مہمان خصوصی جاوید رئیس جن کو حکومت پاکستان نے معذور افراد کے لیے بہترین خدمات سرانجام دینے پر تمغہ امتیاز سے نوازا ہے، تھے تقریب کی صدارت ممبر صوبائی اسمبلی پنجاب سلمان نعیم نے کی۔ تقریب سے خطاب کرتے ہوئے سلمان نعیم نے کہا کہ حکومت پنجاب معذور افراد کے لیے مین سٹریم کی خدمات کو سر اہتی ہے اور قدر کی نگاہ سے دیکھتی ہے حکومت پنجاب معذور افراد کو معاشرے کا حصہ بنانے کے لیے ہر ممکن اقدامات اٹھا رہی ہے، انڈیپینڈنٹ لیونگ سینٹرز کا کنسپٹ شدید افراد بم معذوری کے لیے شاندار ہے اس سلسلے میں ائی ایل سی کو ہر ممکن مدد فراہم کریں گے ۔
مہمان خصوصی جاوید رئیس نے کہا کہ ہمارا مشن ہے کہ پاکستان میں رہنے والے ہر معذور شخص کو ویل چیئر ملے اور اس کی زندگی بہتری کی جانب گامزن ہو اسی لیے کراچی سے خیبر تک بہترین قسم کی امریکن ویل چیئرز معذور افراد کو فراہم کی جا رہی ہیں۔ تقریب سے خطاب کرتے ہوئے صدر مین سٹریم ایسوسی اییشن نادر خان نے کہا کہ ہمارا مقصد معذوری کے ساتھ زندہ رہنے والے افراد کی مکمل طور پر بحالی ہے ہمیں معذوری کے ساتھ ساتھ ٹریفک حادثات کو بھی روکنا ہوگا تاکہ مزید معذوری سے بچا جا سکے۔
تقریب سے پروفیسر ڈاکٹر ہارون خورشید پاشا، صالح پاشا، ناصر محمود شیخ، رضوانہ ملک، سعدیہ نواز، ، احتشام قریشی ، امامہ ارباب نے بھی خطاب کیا۔حسن خان، ملک ریاض، ، معراج خالد ، محمد نوید، ٹیم مین سٹریم، ملتان ائی ایل سی، ہینڈز پاکستان، مولانا طارق جمیل فاؤنڈیشن، مکس انسٹیٹیوٹ، انر ویل اور ڈسیبل ویلفیئر ایسوسی ایشن کراچی نے خصوصی طور پر شرکت کی۔
