: محمد ندیم قیصر (ملتان)
: تفصیلات
قوم کی بیٹیوں کا جذبۂ حب الوطنی٬ ویمن یونیورسٹی ملتان میں پاک فوج زندہ باد ریلی نکالی گئی٬ ویمن یونیورسٹی ملتان پاک فوج کے ساتھ اظہار یکجہتی کےلئے واک کا اہتمام کیا٬ ویمن یونیورسٹی ملتان بھارت کی طرف سے حالیہ دھمکیوں کے جواب میں پاکستان کے استحکام اور امن کی حمایت میں یکجہتی واک کا اہتمام کیا۔ اس واک کا مقصد قومی اتحاد، استحکام اور امن کے لیے ہماری اجتماعی وابستگی کو ظاہر کرنا تھا واک کی قیادت وائس چانسلر پروفیسرڈاکٹر کلثوم پراچہ نے کی اس موقع پرڈائریکٹر، کیریئر ڈویلپمنٹ ڈاکٹر ثمینہ اختر، ڈپٹی ڈائریکٹر میڈیا کوریج مس انعم زہرہ ، ،تمام چیئرپرسنز میڈیا نمائندوں اور طالبات کی بڑی تعداد نے شرکت کی۔
پاک فوج زندہ باد ریلی کے شرکاء نے قومی پرچم ، بینرز اور پلے کارڈز اٹھا رکھے تھے اور افواج پاکستان کے حق میں نعرے لگائے۔خصوصی طور پر چیف آف آرمی اسٹاف جنرل عاصم منیر کو ان کی مدبرانہ قیادت، قومی سلامتی کے تحفظ، اور ملک میں امن و استحکام کے لیے کی جانے والی کاوشوں پر زبردست خراجِ تحسین پیش کیا گیاریلی کے دوران ملک کی سلامتی، امن، اور دفاعِ وطن کے جذبے کا بھرپور اظہار کیا گیا۔ شرکاء نے افواجِ پاکستان اور ان کے شہداء کو خراجِ عقیدت پیش کیا اور ان کی بہادری، قربانیوں اور وطن کے دفاع میں خدمات کو سراہا۔
شرکاء نے بھارت کی ریاستی دہشت گردی کی شدید مذمت کی اور بھارت کے جارحانہ اقدامات کے خلاف بھرپور آواز بلند کی گئیوائس چانسلر ڈاکٹر کلثوم پراچہ نے واک سے ٬ خطاب کرتے ہوئے کہا کہ پاک فوج ہمارے ملک کی شان، فخر اور حفاظت کی ضامن ہے۔ ہمارے بہادر سپاہی وطنِ عزیز کے ایک ایک ٹکڑے کی حفاظت کے لیے ہمہ وقت تیار ہیں۔ جنرل عاصم منیر کی قیادت میں افواجِ پاکستان قومی اتحاد اور استحکام کی حقیقی علامت ہیں وائس چانسلر پروفیسر ڈاکٹر کلثوم پراچہ نے کہا نے کہا کہ افواجِ پاکستان وطن عزیز کے دفاع میں ہر اول دستہ ہیں اور پوری قوم اپنے بہادر سپاہیوں کے ساتھ کھڑی ہےمشکل کی ہر گھڑی میں عوام اور سیکیورٹی ادارے ایک پیج پر ہیں اور ملک کی خودمختاری پر کوئی سمجھوتہ نہیں کیا جائے گا
وائس چانسلر کا کہنا تھا کہ اس ریلی کا مقصد عوام کو قومی یکجہتی کا پیغام دینا، افواج پاکستان کی قربانیوں کو خراج تحسین پیش کرنا اور دشمن کو یہ باور کرانا ہے کہ پوری قوم اپنی فوج کے ساتھ سیسہ پلائی ہوئی دیوار کی مانند کھڑی ہے۔ بھارت 10مئی کو ہونے والا آپریشن بنیان مرصوص کو بھول گیا ہے اس کو سبق یاد کرانا ہوگا پہلے بھی بھارت کو ہر محاذپر شکست ہوئی اگر بھارت نے پھر کوئی ایڈونچر کیا تو اس کو منہ توڑ جواب دیا جائے گا۔ انہوں نے طالبات پر زور دیا کہ وہ ملک کے دفاع، ترقی اور امن کے لیے متحد رہیں۔ انہوں نے کہا کہ نوجوان نسل ہی پاکستان کا مستقبل ہے اور ان میں حب الوطنی اور یکجہتی کے جذبات پیدا کرنا وقت کی اہم ضرورت ہے.ڈائریکٹر کیریئر ڈیویلپمنٹ ڈاکٹر ثمینہ اختر نے خطاب کرتے ہوئے کہا کہ پاک فوج نے ہمیشہ ملک کے دفاع اور عوام کے تحفظ میں مثالی کردار ادا کیا ہے چیئرپرسن شعبہ کیمسٹری، ڈاکٹر سارہ مصدق نے کہا کہ بھارت کی جانب سے دھمکیاں دراصل اُس کی مایوسی اور ناکامی کا اظہار ہیں۔ پاکستانی قوم متحد ہے اور دشمن کے ناپاک عزائم کو ناکام بنائے گی۔
ڈائریکٹر سٹوڈنٹس افیئرز ڈاکٹر عدیلہ سعید نے اپنے خطاب میں کہا کہ آج کی واک صرف ایک اظہار نہیں بلکہ یہ ایک پیغام ہے کہ پاکستانی عوام اور جامعات اپنے دفاعی اداروں کے ساتھ ایک پیج پر ہیں۔ ڈپٹی ڈائریکٹر میڈیا مس انعم زہرہ نے کہا کہ قوم کی بیٹیاں صرف تعلیم و تربیت ہی میں نہیں بلکہ ملکی استحکام اور دفاع کے ہر محاذ پر بھی اپنی موجودگی کا احساس دلا رہی ہیں۔ انہوں نے کہا کہ میڈیا کے ذریعے ہمیں دنیا کو یہ دکھانا ہے کہ پاکستان ایک مضبوط، متحد اور امن پسند ملک ہے جہاں قوم کا ہر فرد اپنی فوج کے ساتھ کندھے سے کندھا ملا کر کھڑا ہے۔ریلی کے اختتام پر قومی ترانہ پیش کیا گیا وائس چانسلر پروفیسر ڈاکٹر کلثوم پراچہ نے وطنِ عزیز کی سلامتی، ترقی اور افواجِ پاکستان کی کامیابی کے لیے دعا کی۔
