نواز شریف زرعی یونیورسٹی نے بہترین کارکردگی کی بنیاد پر دنیا کی چند بڑی یونیورسٹیوں میں جگہ بنالی قائمقام وائس وائس پروفیسر ڈاکٹر اشتیاق احمد رجوانہ

:محمد ندیم قیصر (ملتان)

:تفصیلات

قائم مقام وائس چانسلر میاں نواز شریف زرعی یونیورسٹی پروفیسر ڈاکٹر اشتیاق احمد رجوانہ نے کہا ہے یونیورسٹی نے گزشتہ سال بہترین کارکردگی کی بنیاد پر دنیا کی چند بڑی یونیورسٹیوں میں جگہ بنالی ھے ۔ کچھ عرصہ کے دوران میرے خلاف بعض سینڈیکیٹ ممبران نے سازش کی، میرے پاس بطور پرو وائس چانسلر مکمل اختیارات ہیں، ہائی کورٹ کے چار مختلف فیصلے اس بات کی دلیل ہیں، مزید چھ سال پرو وی سی رہوں گا، وہ ملتان کے میڈیا سے گفتگو کر رہے تھے۔ تفصیلات کے مطابق محمد نواز شریف زرعی یونیورسٹی ملتان کے قائم مقام وائس چانسلر پروفیسر ڈاکٹر اشتیاق احمد رجوانہ نے ایم این ایس یونیورسٹی ملتان کے شعبہ تعلقات عامہ اور پرنٹ و الیکٹرانک میڈیا پرسنز کی ایک مشترکہ میٹنگ کا اہتمام کیا گیا جس میں یونیورسٹی میں گزشتہ دس برسوں کے دوران مکمل کیے گئے اور جاری مختلف تحقیقاتی پروجیکٹس کے حوالے سے بریفنگ دی گئی اور یہ مؤقف اختیار کیا گیا کہ ٹیم ورک کے نتیجے میں گزشتہ ایک دہائی کے دوران یونیورسٹی میں مثالی ترقیاتی منصوبے مکمل کیے گئے۔ انہوں نے کہا کہ اب تک جتنے بڑے منصوبے مکمل ہوئے وہ ٹیم ورک کا نتیجہ ہیں اور ڈاکٹر راؤ آصف علی سمیت سب کو اس کا کریڈٹ جاتا ہے انہوں نے بتایا کہ جلال پور پیر والا یونیورسٹی تحقیقاتی فارم میں ایک لاکھ سے زائد پودے لگائے جا چکے ہیں اور آئندہ چند ہفتوں میں 10 ہزار مزید پودے لگائے جائیں گے۔ یونیورسٹی اپنی آٹھویں بس کی خریداری پر کام مکمل کر چکی ہے، جبکہ مختلف پروجیکٹس کا تعمیراتی کام تیزی سے جاری ہے۔ ڈاکٹر اشتیاق رجوانہ کا کہنا تھا کہ یونیورسٹی اپنے متعین کردہ اہداف کے حصول کی طرف تیزی سے گامزن ہے اور اس سلسلے میں تمام وسائل کو بروئے کار لایا جا رہا ہے۔ انہوں نے مزید کہا کہ ہم ٹیم ورک پر یقین رکھتے ہیں اور یونیورسٹی کی ترقی کے لیے جدوجہد جاری رکھی جائے گی۔ میٹنگ کے اختتام پر وائس چانسلر نے صحافیوں کے ہمراہ یونیورسٹی کے مختلف پروجیکٹس جینوم سینٹر، گرلز ہاسٹل اور سپورٹس کمپلیکس کی تعمیراتی سائٹس کا دورہ بھی کیا ۔ تحقیقاتی فارم اور ہائیڈرو پونک یونٹ کا دورہ کیا جہاں صحافیوں کو ماڈرن فارمنگ کے متعلق آگہی دی گئی۔ دورے کے اختتام پر صحافیوں نے وائس چانسلر اور ان کی ٹیم کی ادارے کے لیے خدمات کو سراہا اور ہر ممکن تعاون کی یقین دہانی کروائی۔ وائس چانسلر نے پچھلی ایک دہائی سے زیادہ عرصہ میں ہونی والی کامیابیوں کو اجاگر کرنے پر میڈیا نمائندگان کا شکریہ ادا کیا۔ ایک سوال کے جواب میں ڈاکٹر اشتیاق رجوانہ نے کہا کہ میرے خلاف زیادہ تر باتیں غلط فہمی کا نتیجہ ہیں، میں ہمیشہ ایمانداری اور دلجمعی سے ادارے کی ترقی کے لیے کوشاں ہوں، آسٹریلیا کے اشتراک سے گندم منصوبے پر آسٹریلوی حکام نے میرے مؤقف کی حمایت کی ہے۔اس الزام میں کوئی صداقت نہیں ہے کہ اس بارے آسٹریلوی سائنسدان اور سیکرٹری زراعت پنجاب نے مجھ سے برہمی کا اظہار کیا۔ انہوں نے کہا کہ میں میڈیا کے ساتھ رابطے میں رہوں گا اور یونیورسٹی کی تعمیر و ترقی میں میڈیا مثبت کردار ادا کرنے میں میرا بھرپور ساتھ دے۔