Admin
: محمد ندیم قیصر (ملتان)
: تفصیلات
ملتان الیکٹرک پاورکمپنی (میپکو)کے زیر انتظام جنوبی پنجاب کے 13 اضلاع میں سیلابی پانی میں اضافے کے باعث ایک لاکھ29ہزار صارفین کی بجلی سیفٹی ایس او پیز کے تحت منقطع کی گئی ہے ۔ 153فیڈرزکی برانچز کے ٹرانسفارمرز سے بجلی سیفٹی ایس او پیز کے تحت محدود سطح پربند کی گئی ہے ٬ضلع ساہیوال کے 9فیڈرز کے 15610 صارفین کی بجلی سپلائی سیلاب سے متاثرہونے کی وجہ سے منقطع کی گئی جبکہ متاثرہ علاقوں میں پانی اترنے کے باعث 8720صارفین کی بجلی ہےکی سپلائی بحال کردی گئی٬ضلع خانیوال کے 14فیڈرز سے منسلک 25883صارفین کی بجلی سپلائی بند کی گئی جس میں سے 6830 صارفین کو بجلی فراہم کردی گئی ہے۔
ترجمان کے مطابق تمام اضلاع میں میپکو کے فلڈ ریلیف کیمپس قائم ہیں جہاں ایس ڈی اوز اور ایکسین کی سربراہی میں لائن سٹاف پر مشتمل ٹیمیں دن اور رات میں سیلابی پانی کا جائزہ لے رہی ہیں اور کسی بھی ممکنہ ہنگامی صورتحال سے نمٹنے کے لئے تیار ہیں ۔ سیلابی پانی آنے کے باعث ضلع ملتان کے16فیڈرز کے 16337صارفین کی بجلی کی فراہمی منقطع کی گئی ہے ۔
ضلع بہاولپور میں 24فیڈرز سے منسلک 16233صارفین کو بجلی فراہمی سیفٹی ایس اوپیز کے تحت بند،ضلع لودہراں میں 13فیڈرز کے صرف1103، ضلع پاکپتن کے 13فیڈرز کے 6167، ضلع رحیم یار خان کے5فیڈرزکے 1509،ضلع وہاڑی کے15 فیڈرز کے 23395،ضلع بہاولنگر کے20فیڈرز کے 6992، ضلع راجن پور کے2 فیڈرز کے 124،ضلع ڈی جی خان کے ایک فیڈر کے صرف 2، ضلع مظفرگڑھ کے 20فیڈرز کے 15614اور ضلع کوٹ ادو کے ایک فیڈر کے 275 صارفین کو بجلی فراہمی منقطع ہے۔
