Admin
: محمد ندیم قیصر (ملتان)
: تفصیلات
وزیراعلی مریم نواز شریف کی زیرصدارت خصوصی اجلاس،گندم کی ذخیرہ اندوزی کے بارے میں اہم فیصلے کیے گئے٬ خانیوال میں سیلاب سے گندم ضائع ہونے پر سخت برہمی کا اظہار کیا٬سیلاب کے دوران گندم کو بروقت محفوظ مقامات پر منتقل نہ کرنے پر ڈائریکٹر جنرل فوڈ ڈیپارٹمنٹ کو عہدے سے ہٹا دیاگیا٬سیلاب سے گندم کے ضیاع پرخانیوال کے ڈسٹرکٹ فوڈ کنٹرولر سمیت تمام عملہ معطل کر دیا گیا.
سیلاب کی صورتحال کی وجہ سے گندم کی غیرقانونی ذخیرہ اندوزی والوں سے سختی سے نمٹنے کا فیصلہ کیا گیا٬پنجاب میں گندم کے سٹاک ڈیکلیئر کرنے کیلئے تین دن کی مہلت دی گئی٬ڈیڈ لائن کے بعد گندم غیر قانونی طور پر سٹور کرنے والوں کے خلاف قانونی کارروائی کا حکم دیا گیا٬
گندم کا سٹاک شو کرنے والوں کے خلاف کوئی کارروائی نہ کرنے پر اتفاق کیا گیا٬وزیراعلی مریم نواز شریف نے کہا کہ حکومت کو عوام کے مفادات کے تحفظ کے لئے اپنی طاقت کا مظاہرہ کرنا ہو گا٬گند م کی غیرقانونی ذخیرہ اندوزی کرنے پر قانونی کارروائی عمل میں لائی جائے گی٬گندم سٹاک کرنے والے رضاکارانہ طور پر ڈیکلیئر کر دیں ورنہ کارروائی ہو گی۔
سیلابی صورتحال کا ناجایزفائدہ اٹھانے والے کسی رعایت کے مستحق نہیں٬انہوں نے مزید کہا کہ بعض عناصر گندم کی مصنوعی قلت پیدا کرنے کی کوشش کررہے ہیں٬تمام ممکنہ وسائل استعمال کرکے گندم کے غیرقانونی سٹاک کی نشاندہی کی جائے٬صوبہ میں گندم کی سٹاک کی درست طورپر نشاندہی کرکے رپورٹ پیش کریں٬گندم اور آٹے کے نرخ برقرار رکھنے کے لئے ضروری اقدامات کا حکم دیا ۔
وزیراعلی مریم نواز شریف نے تجاوزات اور مہنگائی کنٹرول کرنے والے پیرا حکام کو صوبہ بھر میں مسلسل چیکنگ اور کارروائی کرنے کی ہدایت کی٬ہر دکان پر سرکاری نرخنامہ نمایاں آویزاں کرنے اورخلاف ورزی پر فوری کارروائی عمل میں لانے کی ہدایت بھی کی۔
