:محمد ندیم قیصر (ملتان )
: تفصیلات
پنجاب کابینہ نے صوبہ کی تاریخ کے بدترین سیلاب سے متاثرہ ایک ایک فرد کیلئے امدادی ریلیف پیکیج کی اصولی منظوری کے ساتھ آبی گذرگاہوں میں تعمیرات پر پابندی بھی عائد کردی٬ وزیر اعلیٰ مریم نواز شریف کی زیرِ صدارت پنجاب کابینہ کے 29ویں اجلاس میں 171 ایجنڈا نکات کاریکارڈ پر غور و خوض اور فیصلے کیے گئے ۔
پنجاب کابینہ کے 29 ویں اجلاس کی کارروائی کے مطابق پنجاب میں تاریخ کے سب سے بدترین سیلاب اور مثالی ریسکیو ریلیف انخلا آپریشن، امدادی پروگرام بارے فیصلے کیے گئے٬ سیلاب متاثرین کو 17 اکتوبر سے امدادی رقوم کے چیک کی تقسیم شروع کرنے کی منظوری دی گئی
صوبائی کابینہ نے سیلاب متاثرین کے لئے حتمی امدادی پیکج کی بھی منظوری دے دی٫ جاں بحق فرد کے لواحقین کو10لاکھ، مستقل معذوری پر 5 لاکھ اور معمولی معذوری پر 3 لاکھ روپے کی منظوری بھی دی گئی۔
پکا گھرمکمل گرنے پر 10 لاکھ، جزوی طور پر گرنے پر3، کچا گھر مکمل گرنے پر 5 لاکھ اور جزوی طور پر گرنے پر 1.5لاکھ تک امداددی جائے گی٬ بڑے مویشی کے نقصان پر پانچ لاکھ تک، اور چھوٹے جانوروں کے مرنے پر 50ہزار روپے کی امداد ملے گی٬سیلاب کے دوران 25فیصد فصل کے نقصان پر 20ہزار فی ایکڑ دینے کا اصولی فیصلہ کیا گیا٬
پنجاب کے 2855 مواضعات میں آبیانہ اور ایگریکلچر انکم ٹیکس کی معاف کرنے کا اصولی فیصلہ بھی کیا گیا٬ پنجاب کابینہ نے واضح کیا کہ تمام سیلاب متاثرین کو امداد ملے گی لیکن دریا کی گزرہ گاہ میں تعمیرات کی اجازت نہیں ملے گی۔
وزیر اعلیٰ مریم نواز شریف کا سیلاب کے دوران خدمات سراانجام دینے والی پوری ٹیم کو شاباش دی انہوں نے خاص طور پر پنجاب کی سینئر وزیر مریم اورنگزیب، عظمیٰ بخاری، خواجہ سلمان رفیق، عمران نذیر، کاظم پیرزادہ، رانا سکندر حیات اور صہیب بھرتھ کوخراج تحسین پیش کیا٬وزیراعلیٰ مریم نواز شریف کا سیلاب کے دوران شاندار خدمات پر سول ڈیفنس رضاکاروں کی تنخواہوں میں 15 ہزار روپے ماہانہ اضافے کا اعلان بھی کیاکابینہ اجلاس میں پنجاب کے خلاف جھوٹ پھیلانے کے ٹرینڈ کی مذمت کی گئی٬ اجلاس میں سیلاب کے دوران انسان ہی نہیں مویشیوں کی جانیں بچانے کے لیے کامیاب کوشش کی تحسین کی گئی٫
وزیرِ اعلیٰ مریم نواز کا بدترین سیلابی صورتحال میں مثالی ریسکیو کارکردگی پر متعلقہ محکموں اور صوبائی وزراء کو خراج تحسین
وزیر اعلیٰ مریم نواز نے کی زیر صدارت پنجاب کابینہ کے 29 ویں اجلاس میں سیلاب 2025ء پر ایس ایم بی آر کی تفصیلی بریفنگ بھی دی گئی٬ جس کے مطابق م پنجاب میں 27اضلاع کے 4678مواضع، 2010ایکڑ رقبہ پرکھڑی فصلیں متاثر ہیں سیلاب سے 4760581 آبادی متاثر،2640916 افراد اور 2117396 مویشی ریسکیو،417 ریلیف کیمپ لگائے گئے۔
وزیر اعلیٰ پنجاب مریم نواز شریف نے پنجاب کابینہ کے 29 ویں اجلاس سے خطاب کرتے ہوئے کہا کہ پنجاب کی تاریخ کا بدترین سیلاب ہونے کے باوجودشرح اموات سب سے کم ہونے پر سراہا گیا٬ اجلاس میں کہا گیا کہ پنجاب میں ایسا تباہ کن سیلاب پہلے کبھی نہیں دیکھا گیا۔ ناروال، مظفرگڑھ سمیت پورے کے پورے شہر سیلاب سے متاثر ہوئے٬ صوبائی وزراء، ڈپٹی کمشنرز، پولیس، ریسکیو، پی ڈی ایم اے اور سول ڈیفنس سمیت سب نے مثالی محنت کی۔ انہوں نے کہا کہ کابینہ میں نوجوان وزراء کوموقع دینے کے فیصلے کی درستگی کاپھر احساس ہوا٬ کابینہ اور وزراء دفتروں میں بیٹھنے کے لئے نہیں عوام کے دکھ میں شریک ہونے کے لئے ہیں٬
سیلاب کے دوران ساڑھے 11لاکھ متاثرین کا علاج بہت بڑاریکارڈ ہے٬ انہوں نے کہا کہ ہم سب پاکستانی ہیں چاروں صوبے برابر اور محترم ہیں٬ کسی صوبے پر مشکل آئے پنجاب سب کے ساتھ کھڑا ہوتا ہے٬جس طرح دوسروں صوبوں کے لئے ہم دل اور وسائل کے دروازے کھلے رکھتے ہیں اسی طرح دوسروں سے توقع رکھتے ہیں۔
