Admin
:محمد ندیم قیصر (ملتان)
:تفصیلات
گرمی کی لہر کے پیش نظر ملتان میں کراچی کنگز اور ملتان سلطان کے درمیان یکم مئی کو شیڈولڈ ڈے میچ لاہور منتقل کر دیا ۔پاکستان کرکٹ بورڈ (پی سی بی) نے ایچ بی ایل پی ایس ایل کے یکم مئی میچ کی میزبانی ملتان سے واپس لے لی ۔ اب ملتان سلطان اور کراچی کنگز کا میچ یکم مئی کو دوپہر تین بجے شروع ہو گا ۔ اسی روز قذافی سٹیڈیم میں ہی دوسرا میچ شیڈول کے مطابق رات آٹھ بجے کھیلا جائے گا۔دو میچوں کا شیڈول تبدیل کر دیا ہے۔ ملتان سلطانز اور کراچی کنگز کے درمیان یکم مئی کو دوپہر کا میچ ملتان کرکٹ سٹیڈیم میں شیڈول تھا اب قذافی سٹیڈیم لاہور میں ہوگا جس کی پہلی گیند سہ پہر 3 بجے کی جائے گی۔لاہور کا قذافی اسٹیڈیم اب یکم مئی کو ڈبل ہیڈر کی میزبانی کرے گا، جو کہ عام تعطیل (یوم مزدور) بھی ہے۔ شام کو قذافی سٹیڈیم اصل شیڈول کے مطابق لاہور قلندرز اور کوئٹہ گلیڈی ایٹرز کے میچ کی میزبانی کرے گا جو ر8 بجے شروع ہوگا۔مزید برآں، ملتان سلطانز اور کوئٹہ گلیڈی ایٹرز کے درمیان 10 مئی کو دوپہر کو شیڈول ملتان لیگ کا آخری میچ اب 11 مئی کی شام کو ہوگا، جس کی پہلی گیند رات 8 بجے ملتان کرکٹ سٹیڈیم میں کی جائے گی۔
یکم مئی کے میچ کی منتقلی۔ ملتان سٹیڈیم کی خریدنے والے شائقین کو پیسے ٹی سی ایس سنٹر سے ریٹرن ہو سکیں گے
یہ فیصلہ تمام سٹیک ہولڈرز کے ساتھ متعدد بات چیت کے بعد اور ملک کے بعض حصوں میں آپریشنل آسانی اور حالیہ گرمی کی لہروں کو مدنظر رکھتے ہوئے کیا گیا ہے۔ملتان میں پہلے شیڈول یکم مئی کے مقابلے کے لیے آن لائن خریدے گئے ٹکٹوں کی بکنگ کے وقت استعمال ہونے والے اکاؤنٹس میں خود بخود واپسی ہو جائے گی۔ ایکسپریس سینٹرز سے خریدی گئی ٹکٹیں شائقین کو ٹی سی ایس آؤٹ لیٹس پر پہنچ کر واپس کرنی ہوں گی۔ شائقین اب لاہور میں ڈبل ہیڈر سے لطف اندوز ہو سکتے ہیں اسی ٹکٹ کے ساتھ جو پہلے شام کے میچ کے لیے خریدا گیا تھا۔ مزید برآں، جن شائقین نے پہلے ہی 10 مئی کے میچ کے ٹکٹ خرید لیے ہیں وہ اگلے دن (11 مئی) کے لیے ان کا استعمال کر سکتے ہیں۔
