قومی یکجہتی کا پیغام لئے علماء کرام کا امن قافلہ ملتان پہنچ گیا۔ شہر اولیائے کرام کی فضا پاک فوج زندہ باد کے نعروں سے گونج اٹھی۔ بھارتی پروپیگنڈا کی مذمت

:محمد ندیم قیصر (ملتان)

:تفصیلات

قومی یکجہتی کا پیغام لئے علماء کرام کا امن قافلہ شہر اولیاء پہنچ گیا۔اولیا کرام کی دھرتی پاکستان زندہ باد پاک افواج زندہ باد کے نعروں سے گونج اٹھی۔پہلگام واقعہ کے پس منظر میں بھارتی پروپیگنڈا کی مذمت کی گئی۔علماء، مشائخ، انتظامیہ ، پولیس میڈیا کی جانب سے پاک افواج سے اظہار یکجتی اور محبت کا لازوال مظاہرہ کیا گیا۔چیئرمین مرکزی رؤیت ہلال کمیٹی پاکستان، سفیر امن و خطیب بادشاہی مسجد مولانا سید عبد الخبیر آزاد کی صدارت میں قومی یکجہتی کانفرنس کا انعقاد کیا گیا۔کمشنر عامر کریم خاں ،آر پی او سہیل چوہدری ،ڈپٹی کمشنر محمد علی بخاری سمیت ڈویژن کے ڈپٹی کمشنرز و ڈی پی او شریک ہوئے۔

پاکستان کی سلامتی ، دفاع ، تحفظ اور استحکام کیلئے پوری قوم اپنی بہادر مسلح افواج اور قومی سلامتی کے اداروں کے ساتھ کھڑی ہے ۔ کانفرنس کا متفقہ اعلامیہ

کانفرنس کے شرکاء نے ہاتھوں کی زنجیر بناکر پاک فوج کے ساتھ اظہار یکجہتی کیا۔ قومی یکجہتی شرکاء نے ہاتھوں میں قومی پرچم لہرا کر قومی ترانہ گایا۔مولانا عبدالخبیر آزاد نے بھارت کو وارننگ دیتے ہوئے کہا کہ منبر اور محراب کے وارث موجود ہیں۔مودی پاکستان کو دھمکیاں دینے سے باز آجاؤ، اگر تم حملہ آور ہوئے تو بھارت کا حشر پوری دنیا دیکھے گی۔ کانفرنس کے اعلامیہ میں کہا گیا کہ پاکستان کی سلامتی ، دفاع ، تحفظ اور استحکام کیلئے پوری قوم اپنی بہادر مسلح افواج اور قومی سلامتی کے اداروں کے ساتھ کھڑی ہے وطن عزیز میں ہونے والی دہشت گردی کے پیچھے ہمیشہ بھارت کا ہاتھ رہا ہے جس کے ثبوت پاکستان دنیا کو دیکھا رہا ہے۔انڈیا سن لے ہم ایٹمی قوت ہیں ، بھارتی جارحیت کا جواب پوری قوت سے دیا جائے گا۔بھارت نے اگر کسی قسم کی جارحیت مسلط کی تو پوری قوم اپنے سپہ سالار جنرل عاصم منیر کی قیادت میں بھارت کو منہ توڑ جواب دے گی۔علماء کرام منبر ومحراب کے ذریعے قومی یکجہتی، دہشت گردی کے خاتمے، مذہبی ہم آہنگی اور پیغام پاکستان کے فروغ میں اپنا کلیدی کردارادا کریں۔ہم ایک متحد قوم بن کر ہی دشمن کو شکست دے سکتے ہیں بھارت اور مودی کا نا پاک ایجنڈا پاکستان میں نہیں چلنے دیں گے۔دنیا جانتی ہے کہ پہلگام حملہ جھوٹ کا پلندہ اور مودی حکومت کی چال ہے، جس کی ہم پر زور مذمت کرتے ہیں۔وطن عزیز پاکستان اللہ تعالیٰ کی نعمت عظمی ہے، پاکستان کا بچہ بچہ ملکی سلامتی و دفاع کیلئے تیار ہے ۔ریاست، پاکستانی عوام اور اُمت مسلمہ اہل فلسطین اور غزہ کے مسلمانوں کے ساتھ کھڑی ہے۔مولانا عبدالخبیر آزاد نے کہا کہ حکومت پنجاب اور وزیر اعلیٰ پنجاب محترمہ مریم نواز شریف کا شکریہ ادا کرتے ہیں،وہ شب و روز پنجاب کی ترقی و خدمت میں پیش پیش ہیں جس میں صاف ستھرا پنجاب،خواتین کے حقوق،پنجاب تعمیر و تعلیم،صحت کی بہترین سہولتیں،مذہبی ہم آہنگی اورامن کے قیام میں ان کی کاوشیں قابل تحسین ہیں، جنہوں نے قومی یکجہتی کانفرنس کو کامیاب کروانے میں ہمارا ساتھ دیاـ

قومی یک جہتی کانفرنس میں مختلف مکاتب فکر سے تعلق رکھنے والی شخصیات انتظامی و پولیس افسران کی بھرپور شرکت

قومی یک جہتی کانفرنس میں ملکی سلامتی اور ترقی و خوشحالی کیلئے دعاء کی گئی۔ کانفرنس میں سی پی او ملتان صادق علی ڈوگر،ڈی سی ملتان سید محمد علی بخاری،ڈی سی خانیوال ڈاکٹر سلمیٰ سلیمان،نمائندہ ڈی پی او خانیوال ایس پی خانیوال رحمان،ڈی سی وہاڑی عمرانہ توقیر،ڈی پی او وہاڑی محمد افضل،ڈی سی لودھراں ڈاکٹر لبنیٰ نذیر، نمائندہ ڈی پی او لودھراں ایس پی لودھراں،اے ڈی سی جی ملتان محمد سیف،ڈپٹی ڈائریکٹرز انفارمیشن وسیم یوسف، ارم سلیمی،ایس لودھراں محمد اکرم نیازی،قاضی عبدالغفار قادری،علامہ محمد رشید ترابی،مفتی اسحاق ساقی،قاری عثمان جالندھری،مولانازبیر احمد صدیقی،مولانا محمد احمد،علامہ ارشد عابدی، مولانا مسعود قاسمی،مولانا ڈاکٹر مختار احمد ندیم، مولانا عبدالستار نیازی، مفتی فتح محمد راشدی، علامہ شکیل الرحمان ناصر،مولانا عبدالحق مجاہد،مولانا حامد الحسن،ملک خاور بھٹہ،مولانا عثمان پسروی،مولانا سیف اللہ،علامہ عنایت اللہ رحمانی، مولانا فاروق سعیدی،پیر خضر حیات ساجد،علی گردیزی،محمد سلیم بلالی عطاری،چوہدری مزمل،صاحبزادہ سید عبدالقدیر آزاد،صاحبزادہ سید محمد عبدالبصیر آزاد،میاں اجمل عباس، حاجی غلام حسین قریشی کے علاوہ ڈویژن،ڈسٹرکٹ و تحصیل امن کمیٹیوں سے تعلق رکھنے والے تمام مکاتب فکر کے جید علماء کرام و مشائخ عظام نے بھرپور شرکت کی۔