سی پی او ملتان صادق علی ڈوگر نے تھانہ مخدوم رشید میں قائم ڈرائیونگ اسسمنٹ سنٹر کا باقاعدہ افتتاح کر دیا۔
ملتان(سدرہ فاروق)
افتتاحی تقریب میں ملتان کی اہم سیاسی شخصیات اور سی ٹی او ملتان محمد کاشف اسلم بھی موجود تھے۔
اس موقع پر خطاب کرتے ہوئے سی پی او ملتان نے جنوبی پنجاب کے شہریوں کو مبارکباد پیش کی اور کہا کہ اب ڈرائیونگ اسسمنٹ سنٹر کی سہولت ملتان میں دستیاب ہے، جو اس سے قبل صرف لاہور میں میسر تھی۔
انہوں نے بتایا کہ سعودی عرب جانے والے ڈرائیور حضرات اب یہیں ملتان میں ٹریننگ اور اسسمنٹ حاصل کر سکیں گے، جس سے شہریوں کو سہولت اور وقت کی بچت ہوگی۔
سیاسی رہنماؤں نے اس سہولت کی فراہمی پر حکومتِ پنجاب کا شکریہ ادا کیا اور کہا کہ یہ اقدام عوامی خدمت کے جذبے کا مظہر ہے۔
ان کا کہنا تھا کہ ڈرائیونگ اسسمنٹ سنٹر کے قیام سے شہریوں کے لیے بین الاقوامی سطح کی ٹریننگ گھر کے قریب میسر آنا ایک خوش آئند قدم ہے۔
