پرو لیگ ہاکی٬ خوش آمدید پاکستان: آئرلینڈ کی جگہ انٹری٬ ساتویں سیزن میں ارجنٹائن، آسٹریلیا، انگلینڈ، جرمنی، بھارت، نیدرلینڈز اور سپین مدمقابل

: محمد ندیم قیصر (ملتان)

: تفصیلات

پاکستان ایف أئی ایچ ہاکی پرو لیگ کے آئندہ مردوں کے سیزن میں ارجنٹائن، آسٹریلیا، بیلجیئم، انگلینڈ، جرمنی، بھارت، نیدرلینڈز اور سپین کو جوائن کرے گا مقابلے کے ساتویں ایڈیشن۔ وہ آئرلینڈ کی جگہ لیں گے جو لیگ میں نویں پوزیشن کے بعد پچھلے سیزن کے اختتام پر تنزلی کا شکار ہو گئی تھی۔
انٹرنیشنل ہاکی فیڈریشن کے مطابق پاکستان کو اس سال کے شروع میں ملائیشیا میں کھیلے گئے ایف آئی ایچ ہاکی نیشنز کپ کے ذریعے ترقی دی گئی۔ اگرچہ نیوزی لینڈ نے فائنل میں پاکستان کو شکست دی تھی تاہم نیوزی لینڈ کی ہاکی فیڈریشن نے بعد میں پرو لیگ ہاکی میں شرکت سے معذرت کر لی اور قواعدو ضوابط کے تحت فیڈریشن انٹرنیشنل ہاکی نے رنر اپ ٹیم پاکستان کو دعوت دی جو قبول کر لی گئی۔

فیڈریشن انٹرنیشنل ہاکی کے صدر طیب اکرام نے کہا کہ پاکستان کو اشرافیہ کے مقابلے میں واپس دیکھ کر بہت اچھا لگا – یہ عالمی ہاکی کے لیے واقعی ایک اہم سنگ میل ہے۔ پاکستان کی واپسی تاریخی اور ایف آئی ایچ ہاکی پرو لیگ کی نمائش اور رسائی میں بھی ایک دلچسپ اضافہ ہے۔ ایف آئی ایچ ہاکی نیشنز کپ کے ذریعے کوالیفائی کرنے اور پہلی بار ‘لیگ آف دی بیسٹ میں اپنی جگہ حاصل کرنے پر یہ کامیابی کھیل کے فروغ اور ترقی کی ایک منظم  مثال ہے۔

نیشنز کپ ملائیشیاء کے فائنل میں شکست اور پرو لیگ ہاکی کیلئے کوالیفائی نہ کر سکنا ٬ پاکستان کی ہاکی کمیونٹی کیلئے ایک متفکرانہ مرحلہ تھا لیکن کہتے ہیں کہ نیت صاف ٬ منزل آسان کے مصداق پاکستان ہاکی فیڈریشن کے صدر میر طارق بگٹی کو جب پرو لیگ ہاکی میں شرکت کا دعوت نامہ موصول ہوا تو انہوں نے کہا کہ سب سے پہلے اللہ کا شکر ادا کیا اور اپنی حکومت پاکستان کو آگاہ کیا اور مرحلہ وار اس دعوت نامہ کو شرف قبولیت ملتے ہی فیڈریشن انٹر نیشنل ہاکی کو پاکستان کی طرف سے پرولیگ ہاکی میں شرکت بارے تصدیق کردی جس پر ایف آئی ایچ کے صدر طیب اکرام کی طرف سے اظہار مسرت کا پیغام ملا٬ اب پاکستان ٹیم کے لیے کڑا امتحان ہے اور مجھے اپنے کھلاڑیوں پر یقین ہے کہ وہ پرولیگ ہاکی میں جیت کے عزم کے ساتھ قدم رکھیں گے اور ہر ٹیم کے خلاف سرپرائزنگ کارکردگی کا مظاہرہ کریں گے۔