: محمد ندیم قیصر (ملتان)
: تفصیلات
دنیائے کرکٹ کے تیسرے عمررسیدہ کھلاڑی کاانتقال ٬ پاکستان کے محمد برادرز کے وزیر 93 برس میں دنیا سے رخصت ہو گئے٬پاکستان کرکٹ بورڈ (پی سی بی) نے اعلان کیا کہ ملک کی ابتدائی ٹیسٹ ٹیم کے رکن سابق پاکستانی ٹیسٹ کرکٹر وزیر محمدو 93سال کی عمر میں انتقال کر گئے۔
وزیر محمد پاکستان کے اس تاریخی سکواڈ کا حصہ تھے جس نے 1952ء میں ملک کی پہلی ٹیسٹ سیریز کے لیے ہندوستان کا دورہ کیا تھا۔ 1952ء اور 1959ء کے درمیان، انہوں نے 20 ٹیسٹ میچوں میں پاکستان کی نمائندگی کی، 33 اننگز میں 27.62 کی اوسط سے 801 رنز بنائے، جس میں دو سنچریاں اور تین نصف سنچریاں شامل تھیں۔
وہ مشہور محمد بھائیوں میں سب سے بڑے تھے – حنیف، مشتاق، اور صادق – سب نے بین الاقوامی سطح پر پاکستان کی نمائندگی کی، ملک کی تاریخ کے سب سے معزز کرکٹ خاندانوں میں سے ایک بن گئے۔بعد میں حنیف محمد کے صاحبزادے شعیب محمد نے بھی ٹیسٹ کرکٹ کھیلنے کا اعزاز حاصل کیا.
دریں اثناء پی سی بی کے چیئرمین محسن نقوی نے وزیر محمد کے انتقال پر گہرے دکھ کا اظہار کرتے ہوئے پاکستان کی ابتدائی کرکٹ کے برسوں میں وزیر محمد کی ٹیسٹ کرکٹ میں اننگز شراکت ملک کی کھیلوں کی میراث کا ایک لازوال حصہ ہیں۔
سید محسن نقوی نے مزید کہا کہ وزیر محمد ایک اچھے بیٹسمین اور نفیس انسان تھے۔ “اللہ تعالیٰ ان کی روح کو سکون عطا فرمائے اور ان کے اہل خانہ کو یہ صدمہ برداشت کرنے کی توفیق عطا فرمائے۔”
