:محمد ندیم قیصر (ملتان)
:تفصیلات
پاکستان مسلم لیگ (ن) کے صدر محمد نواز شریف اور نے کہا ہے کہ یہ بدقسمتی ہے کہ ترقی کرتا ملک پٹڑی سے اتار دیا گیا وہ لاہور میں ملاقات کیلئے آنیوالے ارکان اسمبلی سے گفتگو کر رہے تھے۔ ملاقات میں وزیر اعلیٰ بھی موجود تھیں۔
ملاقات کیلئے آنیوالے ارکان اسمبلی کا تعلق ساہیوال، خانیوال، ملتان ، لودھراں، وہاڑی اور بہاول نگر ڈویژن سے تھا۔
قومی معیشت اور ملی اقدار کو تباہ اور جمہوریت کی پیٹھ میں خنجر گھونپا گیا” میاں محمد نواز شریف کا خطاب
سابق وزیراعظم اور ن لیگ کے سربراہ میاں محمد نواز شریف نے ارکان اسمبلی سے خطاب کرتے ہوئے مزید کہا کہ ماضی میں بد تہذیبی، بدتمیزی ، بغض اور انتقام کوسیاست بنادیا گیا، قومی معیشت اور ملی اقدار کو تباہ کیا گیا۔ ، جمہوریت کی پیٹھ میں خنجر گھونپا گیا، پاکستان ڈیفالٹ کے منہ سے واپس آیا ہے۔انہوں نے اپنے چھوٹے بھائی اور وزیراعظم شہبازشریف کی عوامی کارکردگی کو سراہتے ہوئے کہا کہ شہباز شریف کی محنت سے وطن عزیز میں معاشی استحکام واپس آیا ہے۔ پالیسیوں کے تسلسل سے معاشی ترقی یقینی ہوگی۔
تین بار وزیراعظم بننے والے نواز شریف نے مزید کہا کہ کرپشن، معاشی تباہی، مہنگائی اور بدتمیزی ’تبدیلی‘ کی سوغات تھیں۔
ہم نے آئی ایم ایف کو الوداع کر دیا تھا اور اب ہمارا بیانیہ ملک کی ترقی اور عوام کو مہنگائی سے نجات دلاکر خوش حال بنانا ہے، ہم نے عوام سے جو وعدے کیے تھے اللہ تعالی کے فضل وکرم سے وہ آج عوام کو پورے ہوتے نظر آرہے ہیں ۔
“شہباز سپیڈ پاکستان کے معاشی استحکام کا ضامن ” ارکان اسمبلی کا وزیر اعظم اور وزیر اعلیٰ کی عوامی پالیسیوں کو خراج تحسین
پارٹی قائد میاں محمد نواز شریف اور وزیر اعلیٰ پنجاب مریم نواز شریف سے ملاقات کیلئے آنیوالے ارکان اسمبلی نے کہا کہ نوازشریف اور شہبازشریف وعدوں کی تکمیل، وطن سے وفا کے نام ہیں نواز شریف اور شہبازشریف نے ذاتی تکالیف بھلا کر ہمیشہ پاکستان اور عوام کی تکلیف دور کی ہے۔
پاکستان کے چپے چپے پر نوازشریف اور شہبازشریف کی ترقی کے نشان موجود ہیں۔وزیراعظم شہباز شریف نے پاکستان کے معاشی استحکام کے لیے ‘شہباز سپیڈ’ سے کام کیا ہے۔انہوں نے مزید کہا کہ وزیراعظم شہباز شریف کی ذاتی کوششوں سے آئی ایم ایف پروگرام بحال ہوا اور ملک ڈیفالٹ ہوتے ہوتے بچ گیا۔
مریم نواز نے اپنے والد اور چچا کے سنہری ادوار کی یاد تازہ کردی ۔ارکان اسمبلی کا خراج تحسین
ارکان اسمبلی نے وزیر اعلیٰ مریم نواز شریف کی صوبہ میں معاشی اقدامات کو انقلابی قرار دیتے ہوئے کہا کہ مریم نواز شریف نے نوازشریف اور شہبازشریف کے صوبہ کو خوشحال بنانے کے ادوار کی یاد تازہ کردی ہے اور ہمیں فخر ہے اپنی وزیر اعلیٰ پر فخر ہے کہ پہلی خاتون وزیراعلی کے طورپر مریم نوازشریف کی عوامی خدمت کا ہر طرف اعتراف ہو رہا ہے مریم نواز مشکل حالات میں بیمثال سیاسی جدوجہد کے بعد عوامی خدمت میں بھی اپنی صلاحیتوں کا اعتراف کروایا ہے اس لیے تو مریم نوازشریف جیسی عوامی خدمت کا تقاضہ آج تمام صوبوں میں ہورہا ہے،کیونکہ انہوں نے سیاسی وابستگی سے بالا تر ہوکر پورے پنجاب کی مساوی خدمت کر رہی ہیں ،
چولستان میں گرین پاکستان منصوبے کے انقلابی پروگرام کے آغاز کا خیرمقدم
ارکان اسمبلی نےچولستان میں گرین پاکستان منصوبے کا خیر مقدم کرتے ہوئے اس منصوبہ کو انقلابی پروگرام قرار دیا اور کہا کہ کسانوں کو جدید مشینری ، وسائل اور زرعی مالز کے ذریعے ایک چھت تلے تمام سہولیات کی فراہمی سےبہت جلد زرعی انقلاب آئے گا۔
عوام کی خدمت کا مشن میرے لیے ایک چیلنج وزیراعلی مریم نوازشریف کا ارکان اسمبلی سے خطاب
وزیر اعلیٰ پنجاب مریم نواز شریف نے ارکان اسمبلی سے خطاب کرتے ہوئے کہا کہ انہوں نے عوام کی خدمت کا مشن چیلنج سمجھ کر سنبھالا ہے ، میری پارٹی قیادت اور جماعت کا شکریہ کہ مجھے یہ ذمہ داری دی ہے انہوں نے کہا کہ وہ مشاورت پر یقین رکھتی ہیں اس لیے ارکان اسمبلی کے ساتھ یہ مشاورتی اجلاس ترتیب دیا گیا ہے۔ اجلاس میں عوامی فلاح کے منصوبوں اور مستقبل کی سیاسی حکمت عملی بارے بھی مشاورت کی گئی ہے۔
اجلاس میں پارٹی کے سینئر رہنما سینیٹر پرویز رشید، رانا ثناء اللہ، پنجاب کی سینئر وزیر مریم اورنگزیب اور راشد نصر اللہ نے بھی شرکت کی۔
پیر ولایت شاہ ،ملک قاسم ندیم ،محمد ارشد ملک، نوید اسلم خان لودھی، رانا ریاض احمد، محمد اکبر حیات ہراج، اسامہ فضل، عامر حیات حراج، بابر حسین عابد ،چوہدری ضیاءالرحمن، رانا محمد سلیم اور محمد اصغر حیات ہراج ملاقات کرنے والوں میں شامل تھے۔
ملتان سمیت جنوبی پنجاب سے تعلق رکھنے والے ارکان اسمبلی محمد سلمان نعیم ، محمد نازک کریم ،ملک لعل محمد، شازیہ حیات محمد زبیر خان ،محمد یوسف، ملک نوشیر خان انجم لنگڑیال ، محمد ثاقب خورشید ، محمد نعیم اختر خان ،میاں فدا حسین وٹو ،محمد سہیل خان زاہد، چوہدری کاشف پنسوتا اور چوہدری زاہد اکرم بھی ملاقات میں شریک تھے۔
