Admin
:محمد ندیم قیصر (ملتان)
: تفصیلات
فاقی حکومت نے اڑان پاکستان کو ایک قومی مشن او معاشی حکمت قرار دیتے ہوئے عملی پاکستان کو 2035ء تک ایک کھرب ڈالر کی معیشت بنانے کا ہدف مقرر کر لیا ۔
وفاقی وزیر برائے ترقی و منصوبہ بندی پروفیسر احسن اقبال نے کہا ہے کہ ”اڑان پاکستان”ہماری قومی اقتصادی تبدیلی کی حکمت عملی ہے،پاکستان کو 2035 تک ایک کھرب ڈالر کی معیشت بنا نا ہدف ہے،اب ایک ایسے سول سروس نظام کی ضرورت ہے جو ضوابط کے ساتھ مقصد پر بھی مرکوز ہو۔ سکول آف پبلک پا لیسی میں
123ویں نیشنل مینجمنٹ کورس کی افتتاحی تقریب سے خطاب کرتے ہوئے وفاقی وزیر پروفیسر احسن اقبال نے مزید کہا کہ یہ سول سروس سسٹم طویل عرصے سے پاکستان کی سول سروس کی قیادت کو آزمانے،نکھارنے اور قومی خدمت کیلئے تیار کرنے کا ایک اہم ذریعہ ہے،آپ اس ملک کے بہترین افسران میں شامل ہیں اور آنے والے برسوں میں آپ کی خدمات ہمارے وطن کی ترقی کی سمت کو متعین کر نے میں اہم کردار اداکرے گی۔انہوں نے کہا کہ یہ کورس صرف ایک تعلیمی مشق نہیں بلکہ ایک قومی احتساب کا لمحہ بھی ہے،اب خود کو پاکستان کی تبدیلی کی فرنٹ لائن فورس کے طور پر دوبارہ تصور کرنا ہوگا،یہ کارکردگی کا تضاد ہے کہ ذہین افراد ایک ناکارہ نظام کو کیوں درست نہیں کر سکتے، یہ ایک تلخ حقیقت ہے جس کا ہمیں دیانتداری سے سامنا کرنا چا ہیے۔انہوں نے مزید کہا کہ انفرادی طور پر ہمارے سول سرونٹس ملک کے ذہین ترین افراد میں شامل ہیں لیکن اجتماعی طور پر سول سروس سسٹم وہ نتائج فراہم کرنے میں ناکام ہو رہا ہے جن کے ہمارے عوام مستحق ہیں،ہمارا تعلیمی نظام کیوں ناکام ہو رہا ہے؟صحت کی سہولیات ملک کے بڑے حصوں میں ناقابل رسائی یا غیر فعال کیوں ہیں؟بنیادی ڈھانچے کے منصوبے کیوں رک جاتے ہیں اور لازمی خدمات کیوں تاخیر کا شکار ہوتی ہیں؟ریاستی اداروں پر عوام کا اعتماد کیوں ختم ہو رہا ہے؟یہی ہمارا المیہ ہے کہ ہمارے پاس ذہین افراد تو ہیں لیکن نظام وہ نتائج نہیں دے رہا جو درکار ہے، خرابی افراد میں نہیں بلکہ فرسودہ قواعد،خطرے سے بچنے کی ثقافت اور نتائج کیلئے جوابدہی کے فقدان میں ہے۔
انہوں نے مزید کہا کہ ایک کھرب ڈالر کا وڑن”اڑان پاکستان” اور فائیو ای ایس آج ہمارا ہدف ہے تا کہ پاکستان کو2035ء تک ایک کھرب ڈالر کی معیشت بنایا جائے۔”اڑان پاکستان”ہماری قومی اقتصادی تبدیلی کی حکمت عملی ہے جو فائیو ایز پر مبنی ہے جس میں پہلی برآمدات،دوسری ای۔پاکستان،تیسری ماحولیاتی غذائی و آبی تحفظ،چھوتھا توانائی و بنیادی ڈھانچہ اور پانچواں برابری و با اختیاری شا مل ہے۔انہوں نے کہا کہ آپ برآمدات دوست پالیسی بنائیں،ریگولیٹری بوجھ کم کریں،مقامی صنعتی کلسٹرز کو فروغ دیں، قوانین سے آگے بڑھ کر مسابقت کو ترجیح دیں۔
پاکستان کوایک ایسے سول سروس نظام کی ضرورت ہے جو ضوابط کے ساتھ مقصد پر بھی مرکوز ہو۔
احسن اقبال نے مزید کہا کہ ہمیں ایک ایسے سول سروس نظام کی ضرورت ہے جو ضوابط کے ساتھ مقصد پر بھی مرکوز ہو۔انہوں نے کہا کہ دنیا آج تیزی سے ٹیکنالوجی، جغرافیائی سیاست، آبادیاتی تبدیلی اور ماحولیاتی چیلنجز کا سامنا کر رہی ہے۔چوتھا صنعتی انقلاب معیشتوں کے کام کرنے کے طریقے اور حکومتوں کی عوامی خدمات کی فراہمی کو تبدیل کر رہا ہے،ادھر پاکستان ایک اہم موڑ پر کھڑا ہے۔انہوں نے کہا کہ ہمیں معیشت کو اتار چڑھاﺅ کے چکر سے نکالنا ہے، گورننس کو دوبارہ معتبر بنانا ہے،ترقی کا ماڈل امداد پر انحصار سے نکال کر برآمدات اور پیداوار پر مبنی بنانا ہے،یہ سب کچھ پرانے طریقہ کار سے ممکن نہیں۔وفاقی وزیر نے کہا کہ ہمیں 21 ویں صدی کی ایسی سول سروس کی ضرورت ہے جو ڈیٹا سے لیس،ٹیکنالوجی سے جڑی،پالیسی پر مبنی اور نتائج کیلئے جوابدہ ہو۔انہوں نے مزید کہا کہ سٹار گورننس ماڈل سول سروس کیلئے ایک نیا ضابطہ ہے،ہم نے وفاقی اداروں میں اس گورننس ماڈل کو فروغ دیا ہے،وہ سٹار ماڈل ہے جس میں استحکام ہو،ایسے ادارے بنائیں جو پالیسی میں مستقل مزاجی کے ساتھ سیاسی عدم استحکام سے محفوظ ہوں،جس نظا م میںشفافیت ہو،ہر فیصلہ اور ہر روپے کا حساب سب کے سامنے ہو کیو نکہ شفافیت سے اعتماد پیدا ہوتا ہے،یہ سسٹم چست ہو جس میں بیوروکریسی کو فوری، لچکدار اور حالات کے مطابق ہونا چاہیے اور یہ نظام ذمہ داری پر مبنی ہو جس میں سول سرونٹس کو دیانتداری اور جوابدہی کے ساتھ عوامی وسائل کا محافظ ہونا چاہیے۔وفا قی وزیر نے کہا کہ یہ صرف ایک نظریہ نہیں بلکہ ایک عملی خاکہ ہے کہ ہم منصوبہ بندی، فیصلہ سازی اور خدمات کی فراہمی کو کیسے بہتر بنائیں۔
چین۔پاکستان اقتصادی راہداری(سی پیک)کی قیادت ایک جراتمندانہ اورح بھرپور منصوبہ۔
وفاقی وزیر نے مزید کہا کہ جب مجھے چین۔پاکستان اقتصادی راہداری(سی پیک)کی قیادت سونپی گئی،تو یہ ایک جراتمندانہ اور بھرپور منصوبہ تھا جس میں توانائی، انفراسٹرکچر، گوادر، صنعتی زونز سب کچھ محدود وقت میں مکمل کرنا تھا اور اس منصوبے کی ابتدائی کامیابی کی وجہ آپ لوگ تھے۔پرو فیسر احسن اقبا ل نے کہا کہ سول سرونٹس جنہوں نے مختلف وزارتوں،صوبوں اور اداروں میں مل کر بھرپور محنت کی،ہم نے 25 ارب ڈالر کی سرمایہ کاری کوححح متحرک کیا،توانائی اور انفراسٹرکچر کے بڑے منصوبے مکمل کئے اور پاکستان کو ایک علاقائی حب کے طور پر پیش کیا۔ انہوں نے کہا کہ سی پیک اس بات کی زندہ مثال ہے کہ جب سول سروس میں مشن، قیادت اور مقصد ہو، تو بڑے اہداف بھی حاصل کئے جا سکتے ہیں۔احسن اقبال نے مزید کہا کہ سرکاری خدمات کو ڈیجیٹائز کریں،فائل پر مبنی سسٹم کو ڈیجیٹل گورننس کی طرف منتقلی کریں، ماحولیاتی معیارات نافذ کریں،زراعت اور پانی کے انتظام میں ٹیکنالوجی لائیں،ماحولیاتی تباہی سے پائیداری ترقی کی طرف رہنمائی کریں اور نوجوانوں،خواتین اور پسماندہ علاقوں کو بااختیار بنائیں۔
